U minskija kramy prybyła čarhovaja ekzatyčnaja navinka, hetym razam z Kitaja — kukuruza «mini». Pry hetym jość jak zvyčajnaja žoŭtaja, tak i čornaja, paviedamlaje Tochka.by.
Pradajecca takaja kukuruza ŭ roznych upakoŭkach. Možna nabyć i «miks» — tam adrazu dva vidy. Naprykład, žoŭty varyjant budzie kaštavać 16,99 rubla za 480‑hramovuju ŭpakoŭku (35,4 rubla za 1 kh). A voś ciomny pradajecca ŭ tary mienšaj — za 200 h u vas paprosiać 4,99 rubla (24,95 rubla za 1 kh).
Za «miks» daviadziecca addać 15,99 rubla za 350 h (45,99 rubla za 1 kh).
Pry hetym kukuruza idzie ŭžo varanaja.
Skarbnica antyaksidantaŭ
Kukuruza «mini» stała papularnaj dziakujučy svaim pažyŭnym ułaścivaściam i pryvabnamu źniešniamu vyhladu.
Čorny varyjant vyłučajecca hłybokim ciomnym koleram, jaki abumoŭleny vysokim utrymańniem antacyjanaŭ — pryrodnych antyaksidantaŭ. Jon bahaty na vitaminy, minierały i klatčatku. U takoj kukuruzy smak zvyčajna krychu bolš ziamlisty, nasyčany i mienš sałodki, čym u žoŭtaj. Niekatoryja paraŭnoŭvajuć jaho ź lohkim arechavym prysmakam.
Žoŭty varyjant — heta bolš raspaŭsiudžany sort, jaki viadomy svaim sałodkim smakam i jarkim koleram. Jon taksama źmiaščaje karatynoidy, takija jak beta-karatyn.
Jak lepš hatavać
Kali vy kupili słoičak abo ŭpakoŭku śviežaj mini-kukuruzy, to voś niekalki varyjantaŭ:
- styr-fraj. Absmažcie na mocnym ahni z sojevym sousam, imbiram, časnakom i kunžutnym alejem 3—4 chviliny. Jana pavinna zastacca chrumstkaj;
- hryl. Źlohku zmažcie alejem i absmažcie na patelni-hryl da pałosak — idealny harnir da miasa;
- sałaty: kukuruza vydatna spałučajecca z morapraduktami, śviežymi ahurkami, piercam i kinzaj.
Važny niuans: kali vy bačycie ŭ kramie čornuju kukuruzu, pierakanajciesia, što heta naturalny sort, a nie marynavany pradukt z dadavańniem farbavalnikaŭ.
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
U minskija kramy zavieźli ekzatyčnyja płady z Kałumbii
Hetaja fijaletavaja harodnina skaraje śviet, ale stała deficytnaj
Pad Minskam jość miesca z harodninaj i sadavinoj u 2‑3 razy tańniejšaj za kramnuju
Ciapier čytajuć
Viadučy STB Raman Pratasievič pabraŭsia šlubam trecim razam42
Kamientary