Brescki abłasny sud 28 lutaha 2025 hoda ŭ miežach śpiecvytvorčaści razhledzieŭ kryminalnuju spravu suprać biznesoŭca Andreja Varonina, jaki niekalki hadoŭ znachodzicca ŭ vymušanaj emihracyi. Jaho pryznali vinavatym u «publičnych zaklikach da zachopu dziaržaŭnaj ułady, a taksama ździajśnieńni inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś» (č. 3 art. 361 Kryminalnaha kodeksa), piša «Viasna».
Sud pryznačyŭ Varoninu try hady pazbaŭleńnia voli ŭ kałonii va ŭmovach ahulnaha režymu.
Viarchoŭny sud 22 krasavika razhladzieŭ apielacyjnuju skarhu Andreja. Sudovaja kalehija pakinuła prysud bieź źmienaŭ, a skarhu — biez zadavalnieńnia.
Viadoma, što ŭ 2020 hodzie mužčyna ŭvajšoŭ u skład Kaardynacyjnaj rady pa Bresckaj vobłaści. 26 žniŭnia 2020 hoda Andrej paviedamiŭ, što da jaho pryjšli siłaviki. U toj ža dzień jon razam z žonkaj pakinuŭ Biełaruś.
8 maja KDB dadaŭ Andreja ŭ «śpis terarystaŭ».
Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ
Zaviali novyja kryminałki suprać Łahvinca, Šancava i Sudalenki
Akazvajecca, eks-supracoŭnic Tut.by Łojku i Taŭkačovu ŭžo asudzili zavočna. Ale niajasna jak
Bresckaha restaratara buduć zavočna sudzić za ŭchileńnie ad padatkaŭ
Kamientary