Akazvajecca, eks-supracoŭnic Tut.by Łojku i Taŭkačovu ŭžo asudzili zavočna. Ale niajasna jak
Byłyja supracoŭnicy Tut.by — hałoŭnaja redaktarka palityka-ekanamičnaha błoka Volha Łojka i palityčnaja karespandentka Alena Taŭkačova — uniesienyja ŭ śpis «asob, jakija majuć dačynieńnie da ekstremisckaj dziejnaści», jaki viadzie Ministerstva ŭnutranych spraŭ. Pry hetym adznačajecca, što ich prysud ustupiŭ u siłu.
Zavočny praces adbyŭsia 4 lutaha 2025 hoda, ale raniej pra vyniki zavočnaha suda nad eks-supracoŭnicami Tut.by publična nie paviedamlałasia. Akramia Volhi Łojki i Aleny Taŭkačovaj, siarod abvinavačanych była taksama kolišniaja jurydyčnaja kansultantka partała Kaciaryna Tkačenka.
Sudzić žančyn pavinna była Alena Šylko ź Minskaha haradskoha suda.
Žančyn abvinavačvali pavodle čatyroch artykułaŭ Kryminalnaha kodeksa Biełarusi:
- č. 3 art. 130 (raspalvańnie inšaj sacyjalnaj varožaści ci varažniečy),
- č. 2 art. 243 (u staroj redakcyi KK — uchileńnie ad vypłaty padatkaŭ),
- č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich),
- č. 3 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy).
Adnosna Łojki i Taŭkačovaj u «ekstremisckim śpisie» zhadvajucca tolki č. 3 art. 130 i č. 3 art. 361.
Ci asudzili Tkačenku, a kali asudzili, to pa jakich artykułach, nieviadoma, adnak jaje proźvišča ŭ «ekstremisckim śpisie» niama.
Jakija mienavita zavočnyja prysudy vynieśli byłym supracoŭnicam Tut.by, nieviadoma, bo ad peŭnaha času ŭłady źmianili taktyku i zamiest publičnaha abviaščeńnia vynikaŭ sudoŭ trymajuć ich u tajamnicy. Navat ich fihuranty zvyčajna daviedvajucca pra toje, kolki čaho im prysudzili, ad trecich asob i vypadkova.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
A Vy lepš patłumačcie, jakaja roźnica pamiž Vami i ruskamirnymi karnikami, lubimyja žarty jakich pra hvałt i anał.