Брэсцкі абласны суд 28 лютага 2025 года ў межах спецвытворчасці разгледзеў крымінальную справу супраць бізнэсоўца Андрэя Вароніна, які некалькі гадоў знаходзіцца ў вымушанай эміграцыі. Яго прызналі вінаватым у «публічных закліках да захопу дзяржаўнай улады, а таксама здзяйсненні іншых дзеянняў, накіраваных на прычыненне шкоды нацыянальнай бяспецы Рэспублікі Беларусь» (ч. 3 арт. 361 Крымінальнага кодэкса), піша «Вясна».
Суд прызначыў Вароніну тры гады пазбаўлення волі ў калоніі ва ўмовах агульнага рэжыму.
Вярхоўны суд 22 красавіка разглядзеў апеляцыйную скаргу Андрэя. Судовая калегія пакінула прысуд без зменаў, а скаргу — без задавальнення.
Вядома, што ў 2020 годзе мужчына ўвайшоў у склад Каардынацыйнай рады па Брэсцкай вобласці. 26 жніўня 2020 года Андрэй паведаміў, што да яго прыйшлі сілавікі. У той жа дзень ён разам з жонкай пакінуў Беларусь.
8 мая КДБ дадаў Андрэя ў «спіс тэрарыстаў».
Блогера Бяспалава завочна асудзілі на 18 гадоў. Сума кампенсацыі зменшылася ў шмат разоў
Завялі новыя крыміналкі супраць Лагвінца, Шанцава і Судаленкі
Аказваецца, экс-супрацоўніц Tut.by Лойку і Таўкачову ўжо асудзілі завочна. Але няясна як
Брэсцкага рэстаратара будуць завочна судзіць за ўхіленне ад падаткаў
Каментары