«Jašče i kredytny rejtynh paciarpić». Bankamat zabraŭ hrošy, ale na rachunak jany nie pastupili

«Taki cyrk — niby katavańnie»

Pavieł raspaviadaje, što niadaŭna papaŭniaŭ kartu najaŭnymi praz bankamat z funkcyjaj cash-in.

— Ničoha nie padazrajučy, ja sa spakojnaj dušoj pakłaŭ hrošy ŭ kupiurapryjomnik, nacisnuŭ «Paćvierdzić», bankamat zakryŭ kupiurapryjomnik, ja zabraŭ kartu — i… usio! Paru chvilin tam niešta adbyvałasia, piščeła. U vyniku bankamat zavis, napisaŭ, što niama suviazi, ček ab fakcie papaŭnieńnia nie vydaŭ, a jašče praz chvilinu-dźvie znoŭ praciahnuŭ pracavać u zvyčajnym režymie, niby ničoha nie adbyłosia.

Situacyja akazałasia niepryjemnaj, bo mužčynu jakraz treba było apłacić kredyt u inšym banku.

— Kab nie biehać i nie šukać adździaleńni pa horadzie, zvyčajna ja zakidvaju na kartu najaŭnyja i praz ARIP apłačvaju kredyt biez usialakich čerhaŭ. Tak atrymałasia, što pierad apošnim dniom, kali jašče možna było apłacić kredyt bieź pieni, supała z dniom zarpłaty, ź jakoj i adbyvajecca pahašeńnie kredytu. Kožny miesiac vypłata składaje prykładna 520 rubloŭ.

— Suma niemałaja, a zarpłata nie humovaja. Ja patelefanavaŭ u bank z prośbaj dapamahčy. Śpiecyjalistka zadavała pytańni: što, jak, kali i ŭ jakoj kolkaści było papoŭniena i hetak dalej. Potym jana zapoŭniła zajavu ab razhladzie i paprasiła čakać, maŭlaŭ, sa mnoj źviažucca. A na majo pytańnie, što ž rabić, bo hrošy byli pryznačanyja na kredyt, inšych niama i jak rastłumačyć banku, što praterminoŭka płaciažu źviazanaja ź niaspraŭnaściu techniki inšaha banka (nie ž pavierać ža tak prosta), byŭ dadzieny adkaz, što jana razumieje maju situacyju, ale termin razhladu zajavy — da 15 (!) dzion.

A mnie ciapier kusaj łokci i dumaj, dzie znajści hrošy, kab nie trapić na pracenty, jakija davoli niemałyja, plus rejtynh kredytaatrymalnika vidavočna źnizicca, a heta paciahnie za saboj mienšaje davierje z boku bankaŭ u budučyni. Dobra było b padniać hetuju temu, bo vypadak vidavočna nie adzinkavy, a dla kahości heta moža stać prablemaj.

Pavieł kaža, što zmoh znajści vyjście i svoječasova apłacić kredyt, ale da terminaŭ razhladu takich skarhaŭ jość pytańni.

— Tak, heta, kaniešnie, vychad — paprasić u inšaha banka nie naličvać pracenty, ale taki cyrk — niby katavańnie. Heta i čas, i niervy patrebnyja žalezabietonnyja.

U vyniku hrošy viarnulisia na 13-y dzień, paźniej paviedamiŭ mužčyna.

U banku paćvierdzili, što ciapier, kali ŭźnikajuć sprečnyja situacyi pry papaŭnieńni karty najaŭnymi ŭ bankamatach i infakijoskach z funkcyjaj cash-in, dziejničaje termin 15 dzion. Zajavu pra zdareńnie možna aformić pa telefonie abo ŭ adździaleńni banka.

— Razhlad zajaŭ klijentaŭ pa apieracyjach, ździejśnienych z vykarystańniem kartak AAT «ASB Biełarusbank» u bankomatach (infakijoskach) banka, ažyćciaŭlajecca bankam na praciahu 15 rabočych dzion z momantu ich afarmleńnia. Terminy razhladu zajaŭ klijentaŭ mohuć być praciahnutyja ŭ vypadkach, što patrabujuć pryciahnieńnia starońnich arhanizacyj (AAT «Bankaŭski pracesinhavy centr», inšych bankaŭ, płaciežnych sistem, servisnych arhanizacyj i inš.). U zajavie varta ŭkazać kankretnyja pryčyny, čamu niama mahčymaści svoječasova apłacić kredyt, a taksama nazvać datu, kali klijent zmoža vykanać svaje abaviazacielstvy pa dahavory i pieraličyć hrošy.

Kali ŭ zajavie idzie havorka pra adterminoŭku płaciažu pa kredytnym dahavory, to možna prasić jak pra źmienu terminu ŭniasieńnia płaciažu ŭ kankretnym miesiacy, tak i ŭvohule na praciahu ŭsiaho terminu dziejańnia dahavora.

Pavialičyć

Kali klijent prosić pradastavić rasterminoŭku płaciažu, to miarkujecca źmianšeńnie sumy štomiesiačnaha płaciažu ź pieranosam poŭnaha viartańnia kredytu na paźniejšy termin.

— Pry vybary varyjanta ŭchileńnia ciažkaściej z apłataj kredytu varta acanić svaje realnyja finansavyja mahčymaści i ŭličyć asablivaści kožnaha sa sposabaŭ: pry rasterminoŭcy źmianiajucca sumy płaciažoŭ i terminy, pry adterminoŭcy pieranosicca tolki termin płaciažu.

— Ci možna pradjavić pretenzii banku, praź infrastrukturu jakoha pravodziłasia apieracyja, ale hrošy nie dajšli na rachunak?

— Što tyčycca ŭzajemaadnosin hieroja artykuła z bankam, praź jaki jon sprabavaŭ zaličyć najaŭnyja na kartu, možna zrabić vysnovu ab tym, što jany padlahajuć rehulavańniu ŭ ramkach zakona «Ab abaronie pravoŭ spažyŭcoŭ», zhodna ź jakim spažyviec maje prava na kampiensacyju ŭ poŭnym abjomie strat, škody, naniesienaj u vyniku niedachopaŭ tavaru (pracy, pasłuhi), u tym liku na kampiensacyju maralnaj škody.

Nie zapłaciŭ pa kredycie z-za zboju — chto vinavaty?

Kali z-za zboju ŭ bankamacie nie atrymlivajecca apłacić kredyt, to klijent całkam moža paprasić adterminoŭku abo rasterminoŭku, tłumačyć jurystka Julija Jemialjanava.

Dla hetaha treba źviarnucca ŭ bank, jaki vydaŭ kredyt, z adpaviednaj zajavaj ab niemahčymaści svoječasova ŭnieści płaciež i prasić adterminoŭku abo rasterminoŭku płaciažu pa kredytnym dahavory.

— Biezumoŭna, u abhruntavańnie takoj prośby ŭ bank nieabchodna pradstavić dakumienty, što paćviardžajuć paharšeńnie finansavaha stanovišča. U dadzienaj situacyi heta moža być kopija zvarotu ŭ bank, praz bankamat jakoha sprabavali pakłaści najaŭnyja, skrynšoty pierapisak z bankam (kali jany jość).

Imaviernaść taho, što prośbu zadavolać, zaležyć, akramia inšaha, ad paŭnaty pradstaŭlenaj infarmacyi, pryniaćcia mier pa ŭchileńni zapazyčanaści z boku klijenta: naprykład, kali jość mahčymaść, dapuščalna ŭnieści chacia b častku płaciažu, — kaža jurystka. Dla realizacyi abarony svaich pravoŭ varta ŭličvać najaŭnuju dokaznuju bazu, paćvierdžańnie pamieru strat, najaŭnaść viny banka.

Jak heta pracuje na praktycy

Raniej žurnalisty raspaviadali pra dva vypadki, kali biełarusy papaŭniali hrošy praź infakijoski, ale hrošy nie pastupili na rachunak. U pieršym vypadku ŭ mužčyny źjaviłasia praterminoŭka pa kredycie na 6 dzion, ale ŭ banku, praź infakijosk jakoha pravodziłasia apieracyja, paličyli, što ŭ hetaj situacyi ŭ ich niama dadatkovych abaviazacielstvaŭ.

U druhim vypadku terminy viartańnia hrošaj z-za zboju infakijoska skłali 30 dzion, i klijent taksama nie zmoh svoječasova apłacić kredyt. Praŭda, bank pajšoŭ nasustrač i nie naličyŭ pieniu ŭ hetym miesiacy.

• 0
• 0
• 2
• 4
• 0
• 0
• 2
• 0