Stvaryli pietycyju da kampanii Meta z prośbaj dadać biełaruskuju movu ŭ Instagram i Threads
Na płatformie Change.org źjaviłasia skiravanaja da kampanii Meta pietycyja z prośbaj dadać biełaruskuju movu ŭ servisy Instagram i Threads.
U abhruntavańni pietycyi adznačajecca, što dla anhłamoŭnych karystalnikaŭ słovy Belarusian i Russian mohuć padavacca padobnymi, ale nasamreč havorka idzie pra zusim roznyja źjavy. Biełaruskaja mova — asobnaja paŭnavartasnaja mova, jakaja maje prava być pradstaŭlenaj na mižnarodnych ličbavych płatformach.
U Biełarusi žyvie kala 9 miljonaŭ čałaviek, mnohija ź jakich aktyŭna karystajucca Instagram i Threads. Adnak z-za adsutnaści biełaruskaj movy ŭ servisach Meta jany vymušanyja karystacca ruskaj, ukrainskaj abo anhlijskaj. Heta pryvodzić da šerahu niehatyŭnych nastupstvaŭ:
- Karystańnie servisami stanovicca mienš zručnym.
- Uźnikaje adčuvańnie druhasnaści i niedaacenienaści biełaruskaj nacyi — jak u samich biełarusaŭ, tak i ŭ vačach inšaziemcaŭ.
- Situacyja vyhladaje niespraviadliva, bo za 15 hadoŭ isnavańnia Instagram u im źjaviłasia mnostva moŭ, ale biełaruskaj siarod ich dahetul niama.
Adznačajecca, što prysutnaść nacyjanalnaj movy ŭ servisie zvyčajna pavyšaje davier i prychilnaść karystalnikaŭ da praduktu i kampanii. Biełaruskija karystalniki časta śviadoma vybirajuć tyja płatformy i servisy, dzie dastupnaja biełaruskaja mova. Tamu biełaruskaja łakalizacyja była b vyhadnaj i dla samoj kampanii Meta.
Inicyjatar pietycyi hatovy dapamahčy ŭ arhanizacyi pracesu pierakładu: sabrać kamandu prafiesijnych pierakładčykaŭ i movaznaŭcaŭ-vałancioraŭ, jakija zmohuć nie tolki vykanać łakalizacyju, ale i padtrymlivać biełaruskuju viersiju servisaŭ u budučyni.
Dałučycca da pietycyi možna tut.
Babaryka skazaŭ, što Bykaŭ staviŭ ekanamičny suvierenitet vyšej za biełaruskuju movu. Navumčyk: Nie čuŭ ad Bykava ničoha i blizka padobnaha
Prapanovu Mielicinie Staniucie abrańnik zrabiŭ na dźviuch movach: adna ź ich — biełaruskaja
«Ciarplivyja i pracavityja, jak kitajcy». Jak biełarusaŭ bačyć kitajski mahistr biełaruskaj fiłałohii
Va ŭniviersitecie ŭ kitajskim Sijani vyvučajuć biełaruskuju movu i kulturu
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali24
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary
Naprykład, NN maje ruskuju viersiju, bo pryncypy nie daduć brlš čytačoŭ, bolš čytačoŭ daść ruskaja mova.