18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu
Alaksiej Kaplič byŭ zatrymany pry sprobie vylecieć u Hruziju. 18 hadoŭ jamu spoŭniłasia za dzień da zatrymańnia.
«30 sakavika mnie spoŭniłasia 18 hadoŭ, a 31‑ha sakavika ja ŭžo byŭ zatrymany ŭ Minskim nacyjanalnym aeraporcie — jechaŭ baranić Ukrainu ŭ składzie treciaj šturmavoj bryhady», — raskazaŭ Alaksiej Kaplič.
Jon raspavioŭ, što dla siabie rašyŭ, jak tolki spaŭniajecca 18 — adrazu jedzie [va Ukrainu]». Zatrymali ŭ aeraporcie. Na pašpartnym kantroli pamiežnik skazaŭ: pojdziem da inšaj kamiery, heta vas kiepska raspaznaje.
«Ja zachodžu ŭ kabiniet, nakidvajuć miech na hałavu, adrazu tvaram u stoł», — kaža jon.
Pieršy dopyt adbyŭsia na nastupny dzień paśla zatrymańnia: «12 dzion ja žyŭ u kabiniecie. Nichto z maich rodnych nie viedaŭ, dzie ja, što sa mnoj».
Alaksiej byŭ asudžany letam 2025 hoda na dva hady pazbaŭleńnia voli pavodle č. 1 art. 361‑3 KK (udzieł na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniach, viarboŭcy albo padrychtoŭcy asob da takoha ŭdziełu).
Vyjšaŭ na volu 13 śniežnia ŭ składzie 123 departavanych ź Biełarusi palitviaźniaŭ.
Chłopiec padziakavaŭ usim, chto dapamahaŭ jamu, i što zrabili jaho dziaŭčynie taki padarunak na dzień naradžeńnia — jahonaje vyzvaleńnie.
Taksama jon paćvierdziŭ, što jon daloki svajak Śviatłany Cichanoŭskaj, ale ŭ turmie na jaho heta nijak nie ŭpłyvała.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»6
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Zaprašaju vas va Ukrainu, kab vajavać u składzie Biełaruskaha Padroździełu BPŁA – Taktyčnaja Hrupa Kryŭcova (THK).
[Zredahavana]