«Bečebešnik», pra zatrymańnie jakoha kazaŭ Łukašenka, isnuje, i jon žyvy — Zazulinskaja
Pradstaŭnica pa sacyjalnaj palitycy Abjadnanaha pierachodnaha kabinieta Biełarusi Volha Zazulinskaja paviedamiła detali zatrymańnia mužčyny, pra jakoha ŭ vystupleńni na UNS kazaŭ Łukašenka.
«Z dakładnych krynicy my viedajem, što incydent mieŭ miesca ŭ Žodzinie i, samaje hałoŭnaje, mužčyna žyvy. Jon utrymlivajecca siłavikami režymu, zatrymańnie było žorstkim. I jon dakładna žyvy», — skazała jana.
Padčas UNS u čaćvier Łukašenka raskazaŭ pra hety vypadak,
«Nie ahałošvali trochdzionnaj daŭniny zatrymańnie miarzotnika, bečebešnika, jak my ich nazyvajem. Likvidavany. Ale paraniŭ traich našych chłopcaŭ. Usie žyvyja. Adzin ciažka paranieny, dvoje lahčej. Ale jany abaraniali nas. Voś jana, heta naša moładź. Tamu razumiejcie, što kali niešta niedzie nie tak — heta my z vami», — zajaviŭ Łukašenka.
U inšym miescy pramovy Łukašenka jašče raz źviarnuŭsia da hetaj spravy: «Jašče ž i tut jany jość. Voś ja vam raskazvaŭ, zatrymali adnaho miarzotnika. Paraniŭ traich našych. Daviałosia likvidavać, ščyra vam kažu».
Kamientary