Ministr abarony Litvy: Hrošy ad tranzitu biełaruskaha kaliju praź Litvu možna pieraličvać Ukrainie
Ministr abarony Litvy Robiertas Kaunas miarkuje, što ŭ vypadku cisku na Litvu z patrabavańniem adnavić tranzit biełaruskich uhnajeńniaŭ praz Kłajpiedski port možna było b abmiarkoŭvać nakiravańnie atrymanych ad hetaha srodkaŭ na padtrymku Ukrainy, piša LRT.
Pavodle słoŭ litoŭskaha ministra, kali krainie daviałosia b rabić taki vybar, to treba mieć roznyja varyjanty. Kaunas adznačyŭ, što Kłajpiedski port źjaŭlajecca najbolš vyhadnym maršrutam dla ekspartu, i nahadaŭ pra prykładna 300 miljonaŭ jeŭra dachodaŭ. Na jaho dumku, hetyja hrošy mahli b pieraličvacca Ukrainie, što dazvoliła b adnačasova vyrašyć niekalki zadač. Adnak jon padkreśliŭ, što pakul heta tolki razvahi.
Tranzit kalijnych uhnajeńniaŭ kampanii «Biełaruśkalij» praź Litvu byŭ spynieny 1 lutaha 2022 hoda paśla ŭviadzieńnia ZŠA sankcyj suprać hetaha biełaruskaha pradpryjemstva ŭ 2021 hodzie. Paźniej abmiežavańni ŭvioŭ i Jeŭrapiejski sajuz. Da hetaha pradukcyja «Biełaruśkalija» bolš za dziesiać hadoŭ pieravoziłasia ź miažy ź Biełaruśsiu da Kłajpiedskaha porta.
Na minułym tydni ZŠA źniali svaje sankcyi ŭ abmien na vyzvaleńnie bolš jak sta źniavolenych u Biełarusi. Paśla hetaha daradca prezidenta Litvy ŭ nacyjanalnaj biaśpiecy Dejvidas Matulonis zajaviŭ, što ŭ budučyni ES i Litvie, mahčyma, daviadziecca znoŭ pierahledzieć sankcyjnuju palityku ŭ dačynieńni da biełaruskich uhnajeńniaŭ. Adnak kiraŭnictva krainy zapeŭnivaje, što pakul źmiakčeńnia abmiežavańniaŭ nie płanujecca.
ES uvioŭ sankcyi suprać «Biełaruśkalija» 2 sakavika 2022 hoda, zabaraniŭšy pieravozku kalijnych uhnajeńniaŭ ź Biełarusi. Hetyja miery rehularna padaŭžajucca, a novaje rašeńnie čakajecca ŭ pačatku nastupnaha hoda.
Matulonis taksama paviedamiŭ, što amierykanski bok pakul nie abmiarkoŭvaŭ ź litoŭskimi ŭładami mahčymaść adnaŭleńnia tranzitu praz Kłajpiedu. Jon dadaŭ, što ŭ teoryi takoje rašeńnie mahło b być źviazana z raźmiaščeńniem dadatkovych vajskovych sił ZŠA ŭ Litvie, ale paźniej udakładniŭ, što heta była jaho asabistaja, nieŭzhodnienaja pazicyja.
U Litvie dapuścili tranzit biełaruskaha kaliju i prapanavali ŭviazać jaho z prysutnaściu sił ZŠA ŭ krainie
Litva nie budzie prapuskać biełaruski kalij praz Kłajpiedu, niahledziačy na admienu sankcyj ZŠA
MZS Biełarusi pachvaliła Litvu za źmienu rytoryki, ale aficyjnaha zapytu ad Vilni na arhanizacyju sustrečy nie pastupała
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Žaba. Bo, usie ž 300 miljonaŭ jeŭra dachodaŭ.