Byłoha rabotnika «Hrodna Azotu» źbivali ŭ kałonii za chrapieńnie. KDB pry zatrymańni sprabavaŭ jaho vierbavać
«Mianie bili, nie davali spać. Kali pieraviali ŭ inšy atrad, tam palivali vadoj z butelki».
Były paliźniavoleny Maksim Sienik z «Hrodna Azotu» raskazaŭ na pres-kanfierencyi, jak jaho pry zatrymańni sprabavaŭ vierbavać KDB Hrodna. Prapanoŭvali, kab pajechaŭ za miažu i źlivaŭ infarmacyju pra aktyvistaŭ. Mužčyna admoviŭsia.
Na nastupny dzień Maksim skazaŭ, što hatovy pryniać prapanovu — supracoŭničać z KDB jon nie źbiraŭsia, prosta chacieŭ źjechać u Polšču i źniknuć tam. Śpiecsłužbisty skazali, što nie vierać jamu.
Sienik raskazaŭ, što jaho ŭ kałonii №2 u Babrujsku bili za mocnaje chrapieńnie.
«Mianie bili, nie davali spać. Byli takija ŭmovy pastaŭlenyja — abo ja nie splu, abo nichto nie śpić. Pryniali rašeńnie, što ja nie budu spać. Mianie pieraviali ŭ inšy atrad. Ale tam užo nie bili, a palivali vadoj z butelki. Zdymali koŭdru, chavali, kab ja nie moh spać. Paśla ja pačaŭ prasicca ŭ ŠIZA, paśla ŭ PKT. Tam taksama było niasoładka».
U źniavoleńni ŭ mužčyny pačalisia prablemy sa zdaroŭjem, na choładzie zastudziŭ mačavy puchir.
«Skockija ŭmovy», — kaža Sienik pra ŭmovy za kratami.
Sienik raskazaŭ taksama, što ŭ kałonii viaźni rabili skryni dla snaradaŭ i kulaŭ.
«Pracujuć pad prykryćciom, nibyta biełaruski bok zamaŭlaje, a nie Rasija. I vielmi vialikimi partyjami. Zrazumieła, što stolki Biełarusi nie treba», — padzialiŭsia jon.
Pra toje, što ŭ papraŭčych kałonijach arhanizavana vytvorčaść draŭlanych skryń dla transpartavańnia hatovych bojeprypasaŭ, paviedamlaŭ i «Biełpoł».
Maksima Sienika zatrymali 10 studzienia 2022 hoda. Jon byŭ siabram niezaležnaha prafsajuza «Hrodna Azot». Zatrymali mužčynu za ŭdzieł u akcyjach pratestu ŭ 2020 hodzie i za reposty ŭ sacyjalnych sietkach. Jaho abvinavacili pavodle niekalkich artykułaŭ Kryminalnaha kodeksa — «abraza Alaksandra Łukašenki» (č. 1 art. 368), «spryjańnie ekstremisckaj dziejnaści» (č. 1 art. 361‑4 i č. 1 art. 361-2). Sieniku dali 4 hady kałonii. Mužčyna byŭ u kałonii №2 u Babrujsku. Na volu jon vyjšaŭ 13 śniežnia ŭ składzie hrupy ź inšymi palitviaźniami.
-
Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
-
Biełarusbank uvodzić kamisiju za pryjom najaŭnych u rasijskich rublach
-
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary