Pamiž Uitkafam i Rubia idzie niepubličnaje supiernictva adnosna farmatu mirnaha płana pa Ukrainie
Vydańnie NBC paviedamiła pra niepubličnaje supiernictva pamiž dziaržaŭnym sakratarom ZŠA Marka Rubia i śpiecyjalnym pradstaŭnikom prezidenta ZŠA Styvam Uitkafam u kantekście prasoŭvańnia «mirnych pieramoŭ» pa Ukrainie. Materyjał hruntujecca na razmovach z bolš čym dziasiatkam dziejnych i byłych čynoŭnikaŭ ZŠA i Jeŭropy.
Vydańnie pryvodzić niekalki vypadkaŭ, kali Uitkaf arhanizoŭvaŭ mižnarodnyja sustrečy pa zaviaršeńni vajny va Ukrainie bieź viedama Rubia.
Naprykład, u krasaviku 2025 hoda Rubia daviedaŭsia, što Uitkaf damoviŭsia adnosna asabistaj sustrečy z prezidentam Francyi Emanuelem Makronam u Paryžy. Dziaržsakratar paprasiŭ dałučycca da jaje, ale francuzskaje MZS zajaviła, što hetaje pytańnie pavinien zaćvierdzić asabista Uitkaf. U vyniku Rubia źviazaŭsia ź im i dałučyŭsia da razmovy.
U kancy listapada Uitkaf arhanizavaŭ sustreču z ukrainskaj delehacyjaj u Fłarydzie, pra jakuju Rubia daviedaŭsia tolki paśla taho, jak ukraincy źviarnulisia da jaho pradstaŭnikoŭ. Pavodle adnaho z vysokapastaŭlenych słužboŭcaŭ administracyi Trampa, Rubia faktyčna byŭ vyklučany z hetaha pracesu, choć pavinien byŭ by kiravać im.
Akramia razychodžańniaŭ adnosna mirnych namahańniaŭ va Ukrainie, Uitkaf taksama kanfliktavaŭ z Rubia i słužboŭcami Dziarždepartamienta pa pytańniach biaśpieki, asabliva padčas pajezdak u Rasiju. Niekatoryja pradstaŭniki administracyi stavili pad sumnieŭ vykarystańnie Uitkafam ułasnaha samalota dla palotaŭ u Maskvu biez abaronienych kanałaŭ suviazi. U mai Dziarždep inicyjavaŭ pravierku, paśla jakoj Uitkafa zabiaśpiečyli dadatkovaj achovaj i abaronienaj sistemaj mabilnaj suviazi na samalocie. Adnak, pavodle niekatorych krynic, isnujuć aściarohi, što jon nie zaŭsiody karystajecca biaśpiečnaj uradavaj sistemaj suviazi.
Publična Bieły dom i sami Rubia dy Uitkaf zajaŭlajuć, što supracoŭničajuć u dasiahnieńni miru va Ukrainie. U listapadzie Rubia nazvaŭ «fejkam» paviedamleńni ŚMI pra nibyta dva supraćlehłyja padychody ŭ administracyi Trampa da vajny RF suprać Ukrainy.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary