Cichanoŭskaja addała 15 tysiač jeŭra ad Łukašenki na padtrymku palitviaźniaŭ
U intervju žurnalistu «Jeŭraradyjo» Źmitru Łukašuku lidarka biełaruskich demakratyčnych sił Śviatłana Cichanoŭskaja paviedamiła «Jeŭraradyjo» pra los 15 tysiač dalaraŭ, jakija joj uručyli ŭ žniŭni 2020 hodzie ŭ Minsku pierad tym, jak vypravić za miažu.
Pa słovach Cichanoŭskaj, hetyja hrošy jana pieradała na zbor u padtrymku vyzvalenych palitviaźniaŭ.
«Davajcie ličyć heta danatam ad režymu našym palitźniavolenym», — skazała Cichanoŭskaja.
Pra toje, što Śviatłanie Cichanoŭskaj pierad jaje prymusovaj vysyłkaj u Litvu ŭ 2020 hodzie pradstaŭniki režymu Łukašenki vydali 15 tysiač jeŭra, prapahanda stała raskazvać nieŭzabavie paśla taho.
Sioleta 6 žniŭnia ŭ efiry dziaržaŭnaha kanała ANT pakazali kadry apieratyŭnaj zdymki 10 žniŭnia 2020 hoda ź minskaj kvatery Cichanoŭskich. Na ich vidać, jak načalnik apieratyŭna-analityčnaha centra (AAC) Andrej Paŭlučenka pieradaje Śviatłanie Cichanoŭskaj pakunak.
Na videa źmieściva pakunku nie było vidać, ale sam Paŭlučenka kazaŭ, što ŭ im hrošy. Paśla demanstracyi hetaha siužetu Cichanoŭskaja zajaviła, što tolki paśla taho vyrašyła raśpiačatać pakunak, jaki pralažaŭ u jaje biez małoha piać hadoŭ.
U pakiecie sapraŭdy było 15 tysiač jeŭra novymi kupiurami, paviedamiła jana.
«Pra hety złaščasny kanviert ja nie raskazvała, tamu što mnie było soramna, što jon u mianie apynuŭsia. Ja nie chacieła da jaho navat dakranacca», — skazała tady Cichanoŭskaja.
«Kanviert dla Cichanoŭskaj». Hienii-łukašysty znoŭ sami siabie vykryli i vyściebali
Što viadoma pra Paŭlučenku, jaki ŭ 2020 hodzie pieradaŭ Cichanoŭskaj skrutak z hrašyma i supravadziŭ da miažy?
Jon byŭ jak žyvy ščyt. Maryja Maroz raskazała, čamu jany ź Cichanoŭskaj patrabavali, kab ź imi da miažy jechaŭ kiraŭnik AAC Paŭlučenka
Na kanviercie Cichanoŭskaj napisana «Miedviediu O.V.» Što heta za čałaviek?
Cichanoŭskaja: Nijakich hrošaj ja nie prasiła, mnie prosta ŭsunuli hety kanviert. Jaho da siońnia nie raśpiačatvała
Kamientary
Kaniečnie, možna było b zaraz tyja hrošy mužu addać (jon ža toža byu źniavolenym), a potym rejki pacałavać ad taho ciahnika, na jakim jon źjechau. Ale paśla jaho chamstva - dulu jamu. Usio pravilna jana zrabiła.
[Zredahavana]