«Heta nazyvajecca «adpiska». «Savuškaŭ» adkazaŭ na skarhu adnosna paŭpustych upakovak
Niadaŭna pisali pra biełarusku, jakaja vyjaviła niedavahu ŭ tvarahu z kłubnicami ad «Savuškavaha». Pa jaje słovach, heta adbyvajecca ŭžo nie pieršy raz. Pa słovach dziaŭčyny, pradstaŭniki brenda adkazali joj praź niekalki dzion i prapanavali źviarnucca na «haračuju liniju» pradpryjemstva. Paśla hetaha jana atrymała aficyjny adkaz, piša BGMedia.
Kampanija padziakavała dziaŭčynie za infarmacyju i padkreśliła, što «jakaść i biaśpieka vyrablenaj pradukcyi źjaŭlajecca adnym z najvažniejšych pryncypaŭ pracy». Było praviedziena ŭnutranaje rasśledavańnie, i, pavodle danych «Savuškava», parušeńniaŭ technałahičnaha pracesu vyjaŭlena nie było, pretenzij ad inšych pakupnikoŭ pa hetaj partyi taksama nie pastupała.
Tym nie mienš, u liście adznačyli, što mahčymaj pryčynaj niedavahi staŭ «karotkačasovy zboj fasovačnaha aŭtamata». Supracoŭnik, jaki dapuściŭ pamyłku, paniasie pakarańnie pa ŭnutranaj sistemie acenki jakaści. Vytvorca paprasiŭ prabačeńnia piśmova i nahadaŭ, što ŭ vypadku padobnych situacyj pradukt možna viarnuć abo abmianiać.
Taki adkaz vyklikaŭ burnuju reakcyju ŭ sacsietkach. Kamientary pad videa pakupnicy padzialilisia: adny stali na bok vytvorcy, inšyja — na bok spažyŭca.
«Za dva rubli pazbaviła apieratara zarobku»;
«Chacieła biaspłatna skryniu tvaražkoŭ atrymać?»;
«Niedavaha ŭsiudy byvaje, nichto kožnuju ŭpakoŭku nie ŭzvažvaje».
Ale hučać i zusim inšyja mierkavańni.
«Pa sutnaści, jany prosta abvinavacili vas u chłuśni i navat nie paprasili prabačeńnia. Ja ŭ šoku»;
«Heta nazyvajecca «adpiska»;
«Heta niepavaha da pakupnika. Narmalny vytvorca prapanavaŭ by kampiensacyju»;
«Mianie nie chvalujuć ich unutranyja zboi. Ja zapłaciła za 120 hramaŭ, a atrymała mienš», — adznačaje pastajannaja pakupnica.
Niekatoryja kamientatary navat zaklikajuć da bajkotu pradukcyi.
«Čas pierastać kuplać. Kasiakoŭ zanadta šmat, a staŭleńnie — nijakaje».
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary