«Heta ž treba dadumacca». U Žłobinie znajšli «samuju strašnuju» skulpturu Biełarusi
U tyktoku apublikavali rolik, u jakim pakazali «samuju strašnuju», na dumku aŭtara videa, skulpturu ŭ Biełarusi. Jaje znajšli ŭ Žłobinie Homielskaj vobłaści. Tvor ujaŭlaje saboj sasisku, jakaja jeść i hatuje inšyja sasiski, piša Telegraf.news.
Hetaja skulptura novaja: Žłobinski miasakambinat pastaviŭ jaje ŭ 2025 hodzie ŭ haradskim parku «Piać stychij».
Abjekt vykanany ŭ vyhladzie sasiski z vačyma, rotam, zubami, rukami i nahami. U adnoj ruce ŭ jaje videlec, na jakoj maleńkaja sasiska, a pobač staić manhał, dzie hatujucca inšyja sasiski. Na skulptury jość čorny fartuch z nadpisam «Žłobinski miasakambinat» i hierbam hetaha rajcentra.
«Znojdzienaja, badaj, samaja złaviesnaja i strašnaja skulptura ŭ Biełarusi. Što naohuł tut adbyvajecca? Bačyli ŭžyvuju? U pryciemkach, dumaju, budzie jašče strašniej sustreć… « — padzialiŭsia aŭtar videa.
«Heta pomnik kišečniku?» — spytaŭ adzin kamientatar.
«Sasiska smažyć sasiski — kanibalizm», — ličyć inšy.
«Heta ž treba było dadumacca da takoha», — napisała jašče adna karystalnica tyktoku.
Kamuści ž skulptura, naadvarot, spadabałasia:
«A pa mnie, dyk prykolna, paržać možna».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
i nie prosta sasiski, a vialikaja sasiska smažyć i jeść maleńkija sasiski. a tut možna pravieści anałohii - dyktatar i "raby", "vialikaja" ahresiŭnaja impieryja i "maleńkija" krainy ...