Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni
Žycharku Łuninca adpravili ŭ kałoniju na dva hady za «paklop na Łukašenku». Jaje «złačynstva» — łajk na publikacyi ŭ «Adnakłaśnikach», dzie Łukašenka nazyvaŭsia dyktataram.
Pra śmierć žančyny «Našaj Nivie» paviedamili jaje znajomyja. Aficyjnaja pryčyna — nie vytrymała serca. Dakładnaja data śmierci nieviadomaja, adnak Tamara była apošni raz anłajn «Ukantakcie» 23 krasavika 2025 hoda.
Tamara Karavaj — čałaviek niaprostaha losu. Była prybiralščycaj u łuninieckaj budaŭničaj kramie «Sprava techniki», paśla stała indyvidualnaj pradprymalnicaj i pradavała na rynku abutak. Apošni čas pierad aryštam padpracoŭvała siadziełkaj.
Zamužam Tamara nie była, ale žyła z hramadzianskim mužam i hadavała svajo dzicia. Na momant zatrymańnia žančyny syn byŭ niepaŭnaletnim, adnak ciapier jamu ŭžo 19 hadoŭ.
Kali łuninieckaja sudździa Kaciaryna Kleŭžyc pakarała Tamaru Karavaj za palityku, to dadatkova prysudziła joj lačeńnie ad ałkahalizmu. Pa infarmacyi «Biełpoła», raniej žančynu nieadnarazova pryciahvali da administratyŭnaj adkaznaści za ałkahol.
Tamara Karavaj była ŭ liku pamiłavanych 20 žniŭnia 2024 hoda. Jana vyzvaliłasia na try miesiacy raniej za pryznačany joj termin.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia14
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary
takoha peŭna nidzie bolš u śviecie niama