Novaja kirujučaja kaalicyja na čale z kancleram Frydrycham Miercam pryniała rašeńnie istotna pavysić abaronnyja vydatki Hiermanii — da 5% VUP, piša Bild. Zaraz kraina vydatkoŭvaje 2% VUP na hety kirunak.
Jak zajaviŭ ministr zamiežnych spraŭ Jochan Vadeful paśla sustrečy ź dziaržsakratarom ZŠA Marka Rubia ŭ Turcyi, Bierlin budzie imknucca da mety ŭ 5% ad VUP — heta bolš za 215 miljardaŭ jeŭra ŭ hod.
«Heta značny zruch paradyhmy ŭ niamieckaj palitycy. My čakajem pastupovaha dasiahnieńnia mety nie paźniej za 2030 hod. Heta nie adbudziecca raptoŭna, ale heta pavinna adbycca», — zajaviŭ u razmovie z Bild ekśpiert pa pytańniach źniešniaj palityki i abarony CHDS Raderych Kizievieter.
Inicyjatyva ŭrada źviazanaja ź ciskam z boku ZŠA i NATA: da 2023 hoda Hiermanija pavinna finansava zabiaśpiečvać 10% abaronnych namahańniaŭ aljansu. Vašynhton patrabuje ad usich čalcoŭ NATA vydzialać 5% VUP na abaronu, choć bolšaść krain ličyć hetaje patrabavańnie nievykanalnym.
Na samicie ministraŭ zamiežnych spraŭ NATA Jochan Vadeful paćvierdziŭ, što Hiermanija padtrymlivaje pazicyju ZŠA: «My padzialajem acenku Trampa, što heta nieabchodna».
Kamientary