Biełaruś stała adnoj z samych papularnych krain siarod rasijskich turystaŭ na pieryjad navahodnich śviat 2025—26 hadoŭ. Pra heta paviedamlaje rasijski servis «Ostrovok», miascovy anałah Booking.com.
20% braniavańniaŭ na vialikija navahodnija kanikuły ŭ Rasii prypali na zamiežnyja maršruty. Najbolš papularnymi stali krainy, kudy hramadzianam Rasii nie patrebnaja viza.
Siarod takich kirunkaŭ Biełaruś akazałasia adnym ź lidaraŭ. Akramia jaje, u top-5 samych papularnych krain uvajšli taksama Tajłand, Turcyja, Uźbiekistan i Abjadnanyja Arabskija Emiraty. Kali pašyryć śpis da dziesiaci samych zapatrabavanych napramkaŭ, to tudy trapili taksama Hruzija, Kazachstan, amal nikim aprača Rasii nie pryznanaja Abchazija, Armienija i Kitaj.
Pry hetym cikava, što najbolš značny rost kolkaści rasijskich turystaŭ hetym razam pakazaŭ Kazachstan: kolkaść braniavańniaŭ u hetuju krainu vyrasła ŭ 2,5 raza ŭ paraŭnańni ź minułym hodam.
Kamientary