Siońnia ŭ 20:30 pa minskim časie — hałasavańnie hledačoŭ.
Pra toje, što hurt trapiŭ u supierfinał, udzielniki napisali ŭ tredsie.
«Ja ź Biełarusi i prajšoŭ u supierfinał Lithuania's Got Talent sa svaim hurtom. U Litvie nas amal nichto nie viedaje. Jak dumajecie, ci jość u nas šaniec pieramahčy pa hladackim hałasavańni. Supierfinał užo siońnia, u niadzielu», — napisaŭ Uładzimir Karakin, adzin z salistaŭ.
Jamu adkazali, što treba post u treds napisać pa-biełarusku, tady padtrymka budzie zusim inšaj.
«Dobraja ideja! Zaŭtra napišu jašče adzin treds:)» — adkazaŭ jon.
U sakaviku 2023 hoda bratoŭ Karakinych i ich baćkoŭ adpravili na chatniuju chimiju pa č. 1 st. 342 KK (Arhanizacyja i padrychtoŭka dziejańniaŭ, hruba parušajučych hramadski paradak, albo aktyŭny ŭdzieł u ich) i č. 2 st. 295 KK (Niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ, da siami hadoŭ pazbaŭleńnia voli).
Muzykantam i ich maci pryznačyli dva z pałovaj hady, a baćku — try hady. U SIZA ŭ Karakina-starejšaha zdaryŭsia insult, z taho času jon znachodziŭsia doma. Astatnija členy siamji da prysudu ŭtrymlivalisia ŭ SIZA na Vaładarskaha.
«Choć my i znachodzimsia ŭ Litvie, nam davodzicca być vielmi aściarožnymi ŭ svaich słovach. My tut z našaj maci, ale naš baćka da hetaha času nie vyzvaleny», — skazaŭ na litoŭskim telebačańni Uładzimir Karakin, adzin z salistaŭ.
Hurt Litesound pradstaŭlaŭ Biełaruś na Jeŭrabačańni ŭ 2012 hodzie.
Ciapier čytajuć
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam25
Kamientary