Wildberries adkazaŭ na situacyju ź biełaruskaj, jakaja zakazała 34 kupalniki
Markietpłejs padychod biełaruski, jakaja atrymała za svoj učynak chvalu nianaviści ŭ sacsietkach, nie padtrymlivaje. Partał «Točka» źviarnuŭsia da kampanii pa kamientaryj.
«Wildberries nie vitaje taki padychod i zaklikaje klijentaŭ rabić uśviadomlenyja pakupki. Miž tym absalutnaja bolšaść našych pakupnikoŭ asensavana vybirajuć, zakazvajuć, atrymlivajuć i pačynajuć karystacca tavaram», — zajavili ŭ kampanii.
Pry hetym markietpłejs atrymlivaje skarhi ad kiraŭnikoŭ punktaŭ vydačy tavaraŭ, pakolki niadobrasumlennyja pavodziny klijentaŭ ciahnuć za saboj vydatki z boku partnioraŭ.
«Adnak važna adznačyć, što dola padobnych zvarotaŭ składaje kala 0,2—0,5% ad usich zvarotaŭ pradaŭcoŭ, heta značyć takija vypadki nie nosiać masavaha charaktaru», — kaža Wildberries.
Na hetym tydni stała viadoma pra situacyju ź biełaruskaj, što zakazała sabie 34 kupalniki. Zakaz na 3078 rubloŭ 20 kapiejek žančyna aformiła, kab vybrać madel, jakaja najbolš budzie joj pasavać. Jaje pavodziny nie spadabalisia karystalnikam tvitara.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii5
Kamientary
Vinavaty tolki toj, chto rabiŭ i ŭdzielničaŭ, a nie pobač stajaŭ.
Ich praviłami priedusmotrien biespłatnyj otkaz, da i dostavlajut vsiehda bityje