U Vašynhtonie zabili dvaich supracoŭnikaŭ pasolstva Izraila. Jany źbiralisia zaručycca
Supracoŭnikaŭ pasolstva zabili viečaram u sieradu kala Jaŭrejskaha muzieja, dzie prachodziła mierapryjemstva, arhanizavanaje Amierykanskim jaŭrejskim kamitetam.
Zabityja vychodzili z hetaha mierapryjemstva. Padazravanaha bačyli, jak jon chadziŭ tudy-siudy pobač z muziejem pierad stralaninaj. Jon padyšoŭ da hrupy z čatyroch čałaviek i adkryŭ ahoń ź pistaleta. Zabityja — mužčyna i žančyna. Jany byli paraj, jakaja źbirałasia zaručycca, piša CNN.
Paviedamlajecca, što strałok — 30-hadovy Elias Hansales, jon pryjechaŭ z Čykaha.
Pejdž Sihiel, vidavočca trahiedyi, raskazała CNN, što razmaŭlała z padazravanym pierad tym, jak zrazumieła, chto jon.
Padazravany paśla stralaniny zabieh u Capital Jewish Museum, dzie čakaŭ pryjezdu palicyi, pa słovach pravaachoŭnikaŭ i niekalkich śviedak.
«Ja padyšła da jaho i spytała, ci ŭsio ź im u paradku, pakul jon paŭtaraŭ: «Vyklikajcie palicyju». Jon skazaŭ, što ŭsio dobra. Ja spytała, ci byŭ jon paranieny — jon adkazaŭ, što nie», — uspaminaje Sihiel.
«Jon byŭ tak šakavany, kali ja ź im razmaŭlała, što zdavaŭsia biaskryŭdnym. Viadoma, ja tady nie viedała, chto jon», — skazała jana.
Sihiel dadała, što nieŭzabavie pryjechała palicyja i zatrymała jaho, u toj čas jak jon kryčaŭ: «Svabodu Paleścinie!»
«My byli ŭ adnym pakoi, jaŭrei, sabranyja razam, kab jon moh pa čarzie stralać. Teraryst siadzieŭ pobač z nami na łaŭcy», — padsumavała jana.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary