Ukraina nočču atakavała Afipski NPZ i port «Kaŭkaz» u Krasnadarskim krai
U noč na 14 sakavika Ukraina praviała ataku bieśpiłotnikami na Afipski naftapierapracoŭčy zavod i port «Kaŭkaz» u Krasnodarskim krai Rasii.
Na Afipskim NPZ u vyniku abstrełu zaharelisia techničnyja ŭstanoŭki, ale nichto nie paciarpieŭ. U porcie «Kaŭkaz» u Ciamrukskim rajonie paškodžana techničnaje sudna i ŭźnik pažar na pryčale, troje čałaviek atrymali ranieńni.
Afipski NPZ — adno z najbujniejšych pradpryjemstvaŭ pa pierapracoŭcy nafty na poŭdni Rasii. Tut vypuskajuć bienzin, dyzielnaje paliva, dystylaty hazavaha kandensatu, ciažkija naftapradukty i sieru. Asnoŭnym ułaśnikam zavoda z 2019 hoda źjaŭlajecca «Ojł Technoładžys» (struktura «Safmar»). Raniej zavod užo paciarpieŭ ad atak u studzieni i listapadzie 2025 hoda.
Pavodle infarmacyi Ministerstva abarony Rasii, za tuju noč nad rasijskimi rehijonami było «pierachoplena i źniščana» 87 ukrainskich bieśpiłotnikaŭ. Najbolš — 31 BPŁA — źbili nad Azoŭskim moram, jašče 16 — nad Krasnadarskim krajem, 8 — nad anieksavanym Krymam, 7 — nad Branskaj vobłaściu, pa 6 — nad Biełharadskaj vobłaściu i Čornym moram, 5 — nad Rastoŭskaj vobłaściu. Inšyja bieśpiłotniki byli pierachoplenyja nad Samarskaj, Kurskaj, Astrachanskaj, Vałhahradskaj i Tulskaj abłaściami.
U suviazi z atakaj u Krasnadary i Hielendžyku časova abmiažoŭvalisia pryjom i vylety samalotaŭ.
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Prycelny ŭdar pa miescy zborki naziemnych dronaŭ u Daniecku — troje rasijskich vajskoŭcaŭ zahinuli, adzin źnik
USU nanieśli ŭdar pa naftabazie ŭ Armaviry
Paśla ataki ŭ Mižziemnym mory rasijskija ZPH-tankiery mianiajuć maršruty
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary