U Biełarusi 470 tysiač piensijanieraŭ praciahvajuć pracavać — i ich kolkaść pavialičvajecca
U Biełarusi praciahvajuć pracavać bolš za 470 tysiač piensijanieraŭ. Za hod kolkaść pracujučych piensijanieraŭ u krainie stała na 6% bolšaj.
Žančyn siarod pracujučych piensijanieraŭ značna bolš, čym mužčyn, piša BiełTA sa spasyłkaj na Ministerstva pracy i sacyjalnaj abarony.
«Asnoŭny ŭkład u ekanomiku i adnačasova papaŭnieńnie svajho kašalka biełarusy robiać u pieršaj fazie zasłužanaha adpačynku, heta značyć u 5-10 hadoŭ paśla pryznačeńnia piensii. U siarednim praciahłaść pracy na piensii składaje kala piaci hadoŭ. Razmova idzie nie tolki ab niapoŭnaj, ale i ab poŭnaj zaniataści», — raspaviali ŭ viedamstvie.
Bolš za ŭsio piensijanieraŭ, pavodle danych Minpracy, pracuje ŭ śfierach navuki, adukacyi, achovy zdaroŭja, sacyjalnaha absłuhoŭvańnia i pramysłovaści.
Z 1 studzienia pracujučyja piensijaniery atrymlivajuć poŭnuju piensiju, a nie pamienšanuju, jak heta było raniej.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary