Ministr abarony Hiermanii padčas vizitu ŭ ZŠA zapatrabavaŭ admianić pošliny dla ES
Ministr zamiežnych spraŭ Hiermanii Jochan Vadeful prybyŭ z rabočym vizitam u Vašynhton i pravioŭ pieramovy ź dziaržsakratarom ZŠA Marka Rubia.
Hałoŭnaj temaj sustrečy stali budučyja 50-pracentnyja pošliny na jeŭrapiejskija tavary, jakija prezident Donald Tramp płanuje ŭvieści z 9 lipienia. Vadeful zapatrabavaŭ admovicca ad hetych mier, piša Bild.
«My nie chočam novych taryfnych ścien i imkniemsia budavać stabilnyja masty partniorstva i davieru. Heta adziny sposab zachavać roskvit pa abodva baki Atłantyki i ŭmacavać našu ekanamičnuju biaśpieku», — zajaviŭ jon.
Taksama ŭ poźvie byli vajna va Ukrainie i sankcyi suprać Rasii. Kiraŭnik MZS Hiermanii padkreśliŭ, što Jeŭropa budzie ŭzmacniać cisk na Maskvu.
«Hiermanija choča damahčysia nieadkładnaha spynieńnia ahniu i tryvałaha miru. Kab damahčysia hetaha, nieabchodna praciahvać akazvać cisk na Rasiju», — adznačyŭ jon, paabiacaŭšy, što Jeŭropa «jašče macniej zaciahnie sankcyjnyja hajki».
Akramia taho, Vadeful zajaviŭ, što Hiermanija, z adnaho boku, vystupaje «za biaśpieku i isnavańnie Izraila», ale, z druhoha boku, hłyboka prychilnaja mižnarodnamu pravu i pryznaje « nievynosnyja pakuty ludziej u siektary Haza»
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary