Stryžak raskazaŭ, jak Mielnikava z hrašyma chacieła dałučycca da pracy «Bajsoła»
Kiraŭnik Fondu salidarnaści «Bajsoł» Andrej Stryžak raskazaŭ u fejsbuku pra prapanovu supracoŭnictva, jakuju atrymaŭ u minułym hodzie ad ciapier źnikłaj śpikierki Kaardynacyjnaj rady Anžaliki Mielnikaŭ. Mielnikava nibyta prapanoŭvała hrošy, ale za heta chacieła ŭdzielničać u acency zajavak u fond.
Jak śćviardžaje Stryžak, upieršyniu jon asabista sustreŭsia z Anžalikaj Mielnikavaj paśla letašniaj kanfierencyi «Novaja Biełaruś» u Vilni.
Padčas toj razmovy Mielnikava nibyta prapanavała dapamahčy finansava inicyjatyvam, jakija realizujucca praz prahramu «Bajsoł». Jana była hatovaja dać 5000 jeŭra, ale chacieła pry hetym mieć dostup da razhladu zajaŭ, što pastupajuć u fond jak ź Biełarusi, tak i z-za miažy.
Adnak ža, pa słovach Stryžaka, u «Bajsole» takoha nie praktykujecca, tut nielha prosta prynieści hrošy i atrymać dostup da ŭsich zajavak. Da taho ž i suma ŭ 5000 jeŭra nie nadta vialikaja, kab na niešta pretendavać.
Paźniej, paśla napaminu pra hetuju prapanovu, Mielnikava paabiacała viarnucca da razmovy paźniej, ale bolš hetaha nie rabiła.
Ci pavinny hetyja hrošy byli iści ad Kaardynacyjnaj rady, ci heta była asabistaja inicyjatyva Mielnikavaj ź inšaj krynicaj finansavańnia, Andrej Stryžak nie viedaje.
«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami
Łatuška: U mianie jość aściarohi za žyćcio Anžaliki Mielnikavaj
Kachanak Mielnikavaj Alaksiej Łabiejeŭ słužyŭ u KDB z 2019 hoda
«Užo nie viedaješ, kudy źviartacca». Baćka Anžaliki Mielnikavaj raskazaŭ, što jamu viadoma pra dačku
Łatuška: Členaŭ NAU i Kaardynacyjnaj rady ŭžo dapytali pa spravie Mielnikavaj
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary