Łatuška: U mianie jość aściarohi za žyćcio Anžaliki Mielnikavaj
Nacyjanalnaja prakuratura Polščy zachoŭvaje kvalifikacyju rasśledavańnia ŭ dačynieńni da Anžaliki Mielnikavaj jak niezakonnaje pazbaŭleńnie voli, paviedamiŭ «Biełsatu» kiraŭnik Narodnaha antykryzisnaha ŭpraŭleńnia Pavieł Łatuška.
«Zaraz aktyŭna iduć apytvańni śviedkaŭ pa dadzienaj kryminalnaj spravie — jak siabraŭ Kaardynacyjnaj Rady z roznych frakcyj, tak i čalcoŭ kamandy Narodnaha antykryzisnaha kiravańnia. Na žal, ja abmiežavany abaviazalnictvami ab nievydavańni chodu apieratyŭnych śledčych dziejańniaŭ. Ale, razam z tym, ja mahu skazać svajo ŭłasnaje mierkavańnie: u mianie jość aściarohi za žyćcio Anžaliki Mielnikavaj», — skazaŭ jon.
Nahadajem, niekalki dzion tamu stała viadoma, što źnikłaja naprykancy sakavika śpikierka Kaardynacyjnaj rady Anžalika Mielnikava mahła mieć ramantyčnyja adnosiny z mužčynam, jaki źjaŭlajecca ahientam śpiecsłužbaŭ Biełarusi.
Anžalika Mielnikava pakinuła terytoryju Polščy i Jeŭrasajuza 26 lutaha 2025 hoda. Pavodle rasśledavalnikaŭ, za dzień da vyletu jana zabraniravała pražyvańnie ŭ piacizorkavym hateli na Šry-Łancy, dzie ŭžo byvała raniej. Z 28 lutaha pa 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jejny śled hublajecca.
Pavodle «Kibierpartyzanaŭ», u sakaviku z rachunku fondu Mielnikavaj byli vyviedzienyja vialikija sumy hrošaj, što pryznačalisia dla «Kibierpartyzanaŭ» i Kaardynacyjnaj rady — ahułam z rachunku vyvieli 150 tysiač dalaraŭ.
Paśla hetaha kantaktavała z paplečnikami z Kaardynacyjnaj rady praź videasuviaź, ale nie praz asabistyja sustrečy: kazała, što chvareje. 25 sakavika pierastała vychodzić na suviaź. 13 sakavika jejny telefon vykarystoŭvali dla dostupu da fajłaŭ Kaardynacyjnaj rady ź biełaruskaha IP-adrasu — imavierna, telefon byŭ na terytoryi Biełarusi.
Dzie jana znachodzicca zaraz — nieviadoma.
«Užo nie viedaješ, kudy źviartacca». Baćka Anžaliki Mielnikavaj raskazaŭ, što jamu viadoma pra dačku
Kachanak Mielnikavaj Alaksiej Łabiejeŭ słužyŭ u KDB z 2019 hoda
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja100
Kamientary
Takaja b kazałasia "apieracyja" imi praviedziena, kali b vieryć plotkam i čutkam, što zaraz na chajpie raspaŭsiudžvajuć.
Ale nijakaj infy z boku łukašni. Ni fota, ni videa...
Jany hetak ža admoŭčvalisia nakont źniknieńnia Zavadskaha, Hančara, Krasoŭskaha, Zacharanki, paśla zabojstva žurnalistaŭ Biebienina i Vieraniki Čarkasavaj.
Mielnikava ž była pa fakcie trećcim čałaviekam u demruchu - kiraŭnica protaparłamientu, jaki pra joj vyznali na mižnarodnym uzroŭni pradstaŭničym orhanam biełarusaŭ, čalcy KR stali prymać udzieł u pasiedžańniach Parłamienckaj Asamblei Rady Jeŭropy. Apaśla dakładu Mielnikavaj z sabranymi dokazami ab nieabchodnaści pryciahnieńnia łuki z padzielnikami da adkaznaści ŭ PARE ŭ tym liku ŭ statut ab Śpiectrybunale ab ahresii suprać Ukrainy pa inicyjatyvie biełarusaŭ była ŭniesiena praŭka ab raspaŭsiudzie jaho dziejnaści i na łuku z saŭdzielnikami.
Jana arhanizavała publičnuju dziejnaść KR, była stratehičnym daradcaj u NAU, bolš za dva hady kiravała fondam kibieraŭ. I ŭsie charaktaryzavali jaje, jak vielmi prafiesijaha i metanakiravanaha śpiecyjalista. Kaniešnie pahražała łukie