U vioscy Pahrabienka Sieńnienskaha rajona na aŭkcyjon vystavili staradaŭniuju paštovuju stancyju. Jaje pradajuć amal darma — u bolš čym 220 razoŭ tańniej za pieršapačatkovuju canu.
Budynak raźmieščany niepadalok ad aŭtadarohi R87 Orša — Viciebsk, jakaja źjaŭlajecca častkaj staroha trakta Kijeŭ — Sankt-Pieciarburh. Kupić prapanujecca stancyjny dom płoščaj 115 kvadratnych mietraŭ i pałovu flihiela dla jamščykoŭ (74 kvadratnych mietraŭ).
Hetyja budynki adnosiacca da historyka-kulturnaj spadčyny i, jak ličycca, byli pabudavanyja ŭ 1840 hodzie. Praŭda, encykłapiedyja «Architektura Biełarusi» śćviardžaje, što stancyja źjaviłasia ŭ kancy 1840-ch hadoŭ pavodle typavoha prajekta. Da niadaŭniaha času tut mieściłasia darožnaja słužba.
Padobnyja stancyi na inšych darohach časam vykuplajuć i pierarablajuć, naprykład, u kaviarni — jak pad Ivacevičami ŭ Bresckaj vobłaści.
Pačatkovaja cana łota — usiaho 126 rubloŭ, a z ulikam vydatkaŭ na tarhi — 232 rubli (prykładna $77). Dla paraŭnańnia, u 2019 hodzie majomaść aceńvałasia ŭ 36 tysiač rubloŭ ($17 tysiač). Takim čynam, ciapierašniaja cana ŭ 221 raz nižejšaja za pieršapačatkovuju.
Aŭkcyjon adbudziecca 11 červienia ŭ 13:00.
U Biełarusi ŭžo try hady pradajuć były klaštar za adnu bazavuju
Muravanku Chraptovičaŭ u Ščorsach vystavili na aŭkcyjon. Kolki kaštuje
Jak ciapier vyhladaje pałac Horvataŭ u Naroŭli, jaki restaŭrujuć entuzijasty FOTY
Zaniadbany pałac Radziviłaŭ pradajuć u try tysiačy razoŭ daražej, čym niekalki hadoŭ tamu
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary