U Paŭdniovaj Karei ŭ aŭtorak prachodziać pazačarhovyja prezidenckija vybary: hramadzianie vybirajuć novaha kiraŭnika dziaržavy zamiest Jun Sok Jola, jaki byŭ adchileny z pasady za sprobu ŭvieści ŭ śniežni vajennaje stanovišča, piša Bi-bi-si.
Hałoŭnych pretendentaŭ na pieramohu dvoje: Li Čže Mion, kandydat ad Demakratyčnaj partyi i da niadaŭniaha času jaje lidar, i Kim Mun Su — kandydat ad kansiervatyŭnaj partyi adchilenaha prezidenta, «Hramadzianskaja siła».
Favarytam ličycca Li: pavodle apošnich pieradvybarčych apytańniaŭ, jon apiaredžvaŭ Kima na 10—14%, i jaho padtrymlivajuć da pałovy vybarščykaŭ.
Vybary prachodziać u adzin tur, to bok toj, chto atrymaje prostuju bolšaść, adrazu stanovicca prezidentam i kiraŭnikom vykanaŭčaj ułady ŭ Paŭdniovaj Karei.
Akramia Li i Kima, u prezidenty bałatujucca jašče try čałavieki, ale, zhodna z apytańniami, šancaŭ umiašacca ŭ baraćbu za pieramohu ŭ ich niama.
Li Čže Mion udzielničaŭ i ŭ papiarednich prezidenckich vybarach u 2022 hodzie i prajhraŭ Jun Sok Jolu mienš čym na adzin pracent.
Kim ža byŭ ministram u ŭradzie Jun Sok Jola. Li padčas pieradvybarčaj kampanii abvinavačvaŭ Kima i jaho paplečnikaŭ pa partyi «Hramadzianskaja siła» ŭ tym, što jany spryjali sprobie Juna ŭvieści vajennaje stanovišča, a zatym sprabavali dapamahčy prezidentu ŭtrymacca va ŭładzie.
Prezident Jun Sok Jol 3 śniežnia minułaha hoda sprabavaŭ uvieści vajennaje stanovišča, zahadaŭšy vajskoŭcam uziać pad kantrol parłamient. Sproba pravaliłasia, vyklikaŭšy najhłybiejšy palityčny kryzis u krainie.
14 śniežnia parłamient, u jakim bolšaść miescaŭ naležyć apazicyi, prahałasavaŭ za impičmient Juna, 15 studzienia jon sa sproby byŭ aryštavany, a 4 krasavika Kanstytucyjny sud paćvierdziŭ impičmient, paśla čaho byli pryznačanyja pazačarhovyja prezidenckija vybary.
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary