Saŭładalniki najbujniejšaha markietplejsa na biełaruskim rynku nieruchomaści Realt.by braty Alaksandr i Dźmitryj Martynienki aktyŭna maštabujuć svoj padobny mižnarodny prajekt Realting.com. Polšča ź siaredziny minułaha hoda taksama stała jaho častkaj, piša ekanamičny ahladalnik Vadzim Siachovič.
Pavodle krynic, intaresy siamiejnaha biźniesu na polskim rynku nieruchomaści pradstaŭlaje varšaŭskaja kampanija Realting. Jaje saŭładalnikami na parytetnych umovach stali Dźmitryj i Alena Martynienki.
Realting.com byŭ stvorany ŭ 2018 hodzie i źjaŭlajecca płatformaj dla kamunikacyi pamiž ahienctvami, pradaŭcami i pakupnikami ŭ roznych krainach.
U 2020 hodzie jon vyłučyŭsia z Realt.by. Pieršym rynkam u mižnarodnaj ekspansii novaha prajekta staŭ u 2023 hodzie Uźbiekistan.
Na siońniašni dzień Realting.com prysutničaje, akramia Uźbiekistana i Polščy, u AAE i Čarnahoryi. Praz partnioraŭ markietplejs pracuje taksama ŭ Turcyi, Tajłandzie, Indaniezii i Ispanii. Jak paznačana na jaho sajcie, na płatformie pradstaŭlena bolš za 250 tysiač abjektaŭ nieruchomaści ŭ bolš čym 85 krainach. U Realting.com naličvajecca kala 1300 aficyjnych partnioraŭ.
Adzin z važnych krokaŭ u pašyreńni siamiejnaha biźniesu za miažoj — zapłanavany na hety hod vypusk mabilnaha dadatku dla iOS i Android.
Ciapier čytajuć
Polski błohier naviedaŭ Biełaruś — niekatoryja jaho vysnovy vas ździviać19
Kamientary
Paśla stali značna spakajniej i aściarožniej, bo nie moža adździeł artykułaŭ supiarečyć intaresam zabudoŭščykaŭ-rekłamadaŭcaŭ.
U 2024-m paśla pahroz ad HUBAZiKa napisali pra zabaronu "ekstremistckim" ŚMI vykarystoŭvać ich materyjały.