Kampazitar Alejnik choča stvaryć forum dla bičavańnia artystaŭ, jakija padtrymali pratesty ŭ 2020-m
Jaŭhien Alejnik, jaki niadaŭna dziela videaklipa vyciahnuŭ pažyłuju babulu z-pad kropielnicy, kaža, što tyja artysty ździajśniali «nadta amaralnyja ŭčynki».
Kampazitar Jaŭhien Alejnik choča sabrać forum dla krytyki artystaŭ, jakija ŭ 2020 hodzie padtrymali pratesty.
Alejnik u intervju «Minsk-Naviny» zajaviŭ, što biełaruskaja kultura źmianiłasia, i jana bolš nie prymie ludziej, jakija tady zaniali bok naroda.
«Kali raptoŭna jakaja-niebudź supierzorka ciapier zachoča viarnucca ŭ Biełaruś, jana niečakana vyjavić, što ŭ našaj kultury ŭsio kardynalna źmianiłasia. ŚMI nie abaviazany padtrymlivać takoje viartańnie; akramia taho, kožny ŚMI i kožnaja pradziusarskaja kampanija majuć svaju ŭnutranuju palityku, jakaja prosta nie dazvolić heta zrabić.
Na samaj spravie, było b karysna sabrać niejki forum pa hetaj temie, z udziełam Administracyi prezidenta. Treba adkazać na pytańnie — jak stavicca da tych ludziej, jakija ździajśniali žorstka amaralnyja ŭčynki ŭ 2020 hodzie? Hetaja tema dyskusijnaja», — skazaŭ Alejnik.
Aŭtar pieśni «Baćka ŭ nas kruty» padzialiŭsia, što ŭ 2020 hodzie zadumvaŭ niejkija zabaŭlalnyja prajekty, jakija ciapier užo nie darečnyja.
«Raniej, u 2020 hodzie, u mianie byli niekatoryja žadańni pa stvareńni zabaŭlalnych prajektaŭ, ale ja razumieju, što ciapier, u 2025 hodzie, jany buduć uvohule nie darečnyja. Kali ciapier rabić zabaŭlalny prajekt, dyk jon pavinien być z muzykaj suśvietnaha stylu, jakaja hučała ŭ apošnija 50 hadoŭ», — skazaŭ Alejnik. Što takoje ŭ jahonym razumieńni «muzyka suśvietnaha stylu», jon nie patłumačyŭ.
Nahadajem, Alejnik, jaki abvinavačvaje ideałahičnych praciŭnikaŭ u amaralnych pavodzinach, niadaŭna dziela zdymak klipa ŭ vioscy litaralna dastaŭ pažyłuju babulu z-pad kropielnicy.
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary