Ajcišnik pierajechaŭ u Hiermaniju i ŭ 40 hadoŭ staŭ paštaljonam

— Paŭtara hoda ja pracavaŭ jak frajberufler (IP biez rehistracyi kampanii), ale heta było baluča z punktu hledžańnia padatkaŭ (ich davodziłasia całkam apłačvać samastojna). Akramia taho, status frajberuflera dazvalaŭ mnie mieć tolki ekspat/studenckuju miedstrachoŭku, jakaja pakryvaje tolki ekstrannyja vypadki, kštałtu najezdu aŭtamabila. Za ŭsiu astatniuju miedycynu treba płacić samomu.

Paśla raźvitańnia z ukraincami ja ŭ łajt-režymie šukaŭ pracu — biez asablivaha pośpiechu, bo trochi vyhareŭ. Ale navyki kamunikacyi i dobraha mieniedžmientu pryviali da taho, što były kaleha zaprasiŭ u prajekt kalifarnijcaŭ, jakim byŭ patrebny tańniejšy prodakt. Tam była cudoŭnaja kamanda, ale, na žal, prajekt vykupili kankurenty i imhnienna zakryli. Ranicaj u mianie jašče byŭ zvanok z płanavańniem, a ŭžo ŭviečary adklučyli ŭsie dostupy: «Prabač, mužyk, ty kantraktar».

Znajomyja pierakonvali, što dla paśpiachovaha pracaŭładkavańnia ŭ Hiermanii dastatkova dobraj anhlijskaj. Akazałasia, nie. Hiermanija — kraina nie tolki «realpolitik», ale i «ryał pramysłovaść». Startapaŭ mała, pazicyi ŭ ich — dla talenavitych technaroŭ, a ŭsio astatniaje — u spradviečna niamieckich kantorach z časoŭ Bismarka. Nu, i SAP — jak asobnaja niša.

Lubaja mieniedžarskaja pazicyja praduhledžvaje kamunikacyju nie tolki ŭ kamandzie. Tamu tut važny adzin prosty softskił — vydatnaja niamieckaja mova, bieź jaje tvajo CV adrazu lacić u śmietnicu. Na lubym sumoŭi z ejčaram ad luboha kamunikatara buduć čakać svabodnaje vałodańnie niamieckaj. Nie na ŭzroŭni B1 — B2. Navat kali patrebny čałaviek dla pracy ŭ anhłamoŭnaj kamandzie. Mahčyma, u adzinarohaŭ dzieści ŭ Bierlinie situacyja inšaja, ale moj dośvied voś taki.

Nu i ŭvohule PM (pradakt-mieniedžar) u luboj krainie pavinien adčuvać kamandu. Tamu važny navat nie siertyfikat C1 — u toj ža anhlijskaj možna zabić na hramatyku (u niamieckaj — nie), važna znachodzić słovy, kab nie prosta pravodzić skramy i koły, a šukać šlachi da vyrašeńnia zadač.

Hiermanija da taho ž kraina «zvarotnaha ejdžynhu»: kali ŭ Biełarusi ci va Ukrainie kosa hladziać na ludziej 40+, to tut mieniedžaru lohka moža być pad 70 (pry hetym vyhladaje jon na 50), bo heta pramysłovyja karparacyi abo IT-kantory, zasnavanyja ŭ niezapamiatnyja časy pad miascovyja patreby. Adpaviedna, mieniedžarskich pazicyj vielmi mała, usim patrebnyja technary.

Tut i tak maksimalna ekanomiać na piersanale (naprykład, bułačnaja pracuje z 6:00 da 13:00), tak što ŭščylniacca kampanijam dalej niama kudy. A dziakujučy «ałdovym» mieniedžaram miescaŭ i zusim nie zastajecca. Dy i prastory dla rostu taksama, kali ŭžo zaniaŭ vakansiju.

Dadajcie da hetaha niamieckuju marudnaść: usie tvaje zapyty nibyta sychodziać u pusteču. Navat kali tabie sami napisali ŭ LinkedIn, i ty adhuknuŭsia, to adkazu možna čakać dva tydni.

U vyniku varyjantaŭ pracy na mieniedžarskich pazicyjach, jakija praduhledžvajuć kamunikacyju, za try miesiacy aktyŭnaha pošuku ja dla siabie ŭ Hiermanii nie znajšoŭ.

Varyjanty dystancyjnaj pracy piemam na aŭtsors ja adkinuŭ, bo frajberufler nie moža trapić u dziaržaŭnuju sistemu strachavańnia, a narmalnyja pryvatnyja strachoŭki kaštujuć šalonyja hrošy.

A hałoŭnaje — piemaŭ/prodaktaŭ ź Biełarusi/Ukrainy/Polščy za 3,5K jeŭra (paśla padatkaŭ zastajecca nie bolš za 1,7K) ciapier choć zalejsia.

Pavodle majho statusu ŭ Hiermanii ja nie mahu pretendavać na dapamohu ad dziaržavy i abaviazany mieć pracu. Źjechać z krainy pa asabistych abstavinach ja nie mahu — dy i nie chaču. Tamu, kali na paštovym depo pobač sa svajoj kramaj ja ŭbačyŭ abjavu «šukajem cušteleraŭ», doŭha nie razdumvaŭ i napisaŭ im list.

Mnie adkazali, ja pryjšoŭ u biuro, dzie rekrutarka badziora prainstruktavała mianie pa-niamiecku. Ja zrazumieŭ pracentaŭ 40, ale hetaha chapiła. Paśla «probien tah» (testavaha dnia, kab pierakanacca, što ty nie idyjot) mianie ŭziali.

Praca — kruci piedali čyhunnaha rovara, na jakim try skryni listoŭ, raznasi poštu z 7:00 da 15:00. Za dzień možna prajści 1500 prystupak uharu-ŭniz. Heta narmalna kačaje nohi + kardyjo. Časam raptoŭna doždž u tvar. Zatoje nad taboj nichto nie visić, jedzieš, słuchaješ spacifaj — svojeasablivy daŭnšyftynh.

Usia nizkakvalifikavanaja praca ŭ Hiermanii apłačvajecca +1—3 jeŭra ŭ hadzinu da minimałki (ciapier minimalnaja zp — 12,82 jeŭra bruta ŭ hadzinu — devby). U darahich haradach nadbaŭka bolšaja, ale ja kažu pra svoj dośvied. To-bok što krucić piedali, što siadzieć na kasie — atrymaješ adnolkava. Zatoje da takoj pracy prykładajecca dziaržaŭnaja strachoŭka. Jana daje dostup da cudoŭnaj niamieckaj miedycyny i praduhledžvaje, što kali ty ŭpadzieš i ŭdaryšsia iłbom, tabie na ŭsialaki vypadak zrobiać jašče i MRT dupy. I heta budzie biaspłatna, a tak adzin tolki vyklik «chutkaj» kaštuje 700 jeŭra.

Pracavać paštaljonam ja płanuju nie bolš za hod. Meta — paćvierdzić moj lehalny status plus padciahnuć za hety čas niamieckuju. U svaju budučaje piemstva ŭ Hiermanii ja nie vieru, ale źbirajusia prakačacca jak data-analityk z Python\R, kab nie prosta krucić hatovyja vykładki i vydavać insajty (dla hetaha taksama patrebna niamieckaja na ŭzroŭni C, bo daviadziecca kamunikavać z C-leviełam), a pracavać bolej na techničnym uzroŭni.

• 7
• 0
• 4
• 2
• 2
• 0
• 0
• 1