Prapahandysty zajavili pra zatrymańnie miadzielskaha muzyki, pra jakoha pisała Bondarava
Pra zatrymańnie Alaksandra Chichiela napisali Ryhor Azaronak, Ludmiła Hładkaja i Volha Bondarava, zaŭvažyła «Lusterka».
Prapahandysty pišuć, što muzyka śpiavaŭ «durackija pieśni suprać SVA, suprać našaj ułady, suprać Rasii, suprać Dnia pieramohi».
«A ciapier siadzić dzieści ŭ inšym miescy. I kanał źniesieny nachrien», — napisaŭ Azaronak. Jaho post raźmiaściła ŭ siabie i jaho kaleha — prapahandystka Ludmiła Hładkaja.
Pa infarmacyi Bondaravaj, Chichiela vinavaciać u «stvareńni i raspaŭsiudzie ekstremisckaha kantentu». Dakładny artykuł nieviadomy.
U telehram-kanale Bondaravaj možna znajści danos na Chichiela, datavany 17 listapada 2024 hoda, zaŭvažaje «Lusterka». U toj publikacyi prapahandystka zajaviła, što muzyka ŭ 2020 hodzie «padtrymaŭ sprobu dziaržaŭnaha pieravarotu, ale pa šyi nie atrymaŭ».
Na momant napisańnia naviny na instahram-staronku Alaksandra Chichiela padpisany 253 čałavieki. Na jutub jaho žonki, dzie publikavalisia videa, — 6,17 tysiač čałaviek. U rolikach muzyka hraje na hitary i śpiavaje pieśni «Pra afierystaŭ», «Vośmaha sakavika», «Ja budu čakać vas u vyrai» i inšyja.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary
No eto nie mieniajet suti russkoho mira i skotnoho dvora łukašienko, kak śmierdieło ot nich fašizmom, tak i prodołžajet śmierdieť!