Jepiskap Połacki i Hłybocki Ihnacij raskazaŭ, što ŭ Navapołacku płanujuć adkryć chram, dzie asnoŭnymi prychadžanami buduć dzieci. Pra heta jon paviedamiŭ padčas vyjaznoha pasiadžeńnia prezidyuma Savieta Respubliki.
Pavodle słoŭ pravasłaŭnaha ijerarcha, pad duchoŭny centr płanujuć pieraabstalavać dziciačy sad № 6. U im adkryjecca chram u honar śviatoha Sierhija Radaniežskaha — niabiesnaha apiekuna vučniaŭ.
Asablivaściu hetaha chrama budzie toje, što hałoŭnymi ŭdzielnikami słužbaŭ stanuć dzieci. Naprykład, dziciačy chor z Navapołacka budzie śpiavać na nabaženstvach. Ikanastas zrobiać takim čynam, kab dzieciam było dobra bačna, što adbyvajecca ŭ ałtary — heta, maŭlaŭ, dapamoža im lepš razumieć sens słužby.
Akramia taho, u centry buduć muzyčnyja kłasy, niadzielnaja škoła dla sustreč moładzievych bractvaŭ, aktavaja zała i kinateatr. Tam płanujuć pakazvać filmy duchoŭnaj tematyki, jakija ŭ dastupnaj formie raskazvajuć pra žyćcio śviataroŭ i chryścijanskija kaštoŭnaści.
Taksama praduhledžvajecca trapieznaja, jakuju nazvali «moładzievaja kaviarnia». U joj zmohuć siadzieć za stałami pa 6—8 čałaviek, kab baćki mahli pryvieści dziaciej u niadzielnuju škołu, a sami — adpačyć, pierakusić i pahutaryć.
Staršynia Savieta Respubliki Natalla Kačanava padkreśliła, što heta dobraja inicyjatyva, jakaja dapamoža dzieciam dałučycca da «tradycyjnych pravasłaŭnych kaštoŭnaściaŭ».
Pašynian zaklikaŭ pazbavić pasady Katalikosa ŭsich armian, bo znajšoŭ u jaho dzicia
Łukašenka — patryjarchu Kiryłu: My starajemsia zapavietaŭ Hospada nie parušać u Biełarusi
Patryjarch Kirył uznaharodziŭ Łukašenku najvyšejšaj uznaharodaj RPC
Mir — heta hrech. Rasijski śviatar abvinavaciŭ tych, chto suprać vajny, u duchu antychrysta
Rasijski śviatar, jaki prapahandavaŭ «uvaskrasieńnie» zahinułych va Ukrainie, raskazvaŭ połackim studentam pra kachańnie
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Na vchodie v "chram", ekspozicija tankov, bmp, bronietransportiorov budiet ???
Jeśli etoho dobra nie budiet, to naprasno dieńhi svorujetie.