Vialiki teatr Biełarusi płanuje hastroli ŭ anieksavanym Krymie
Nacyjanalny teatr opiery i baleta Biełarusi płanuje hastroli ŭ anieksavanym Krymie ŭ žniŭni 2025 hoda, piša «Lusterka».
Pavodle infarmacyi, atrymanaj ad niekalkich niezaležnych krynic, baletnaja trupa pradstavić balet «Žyziel» u Sievastopali, płanujucca čatyry pakazy.
Kiraŭnikom hastrolaŭ budzie rasijski dyryžor Arciom Makaraŭ, jaki z 2023 hoda źjaŭlajecca hałoŭnym dyryžoram Minskaha opiernaha teatra, a z maja 2025 hoda taksama staŭ jaho mastackim kiraŭnikom. Paralelna Makaraŭ pracuje hałoŭnym dyryžoram Maskoŭskaha dziciačaha muzyčnaha teatra imia Natalli Sac.
Kalektyŭ «pa bolšaj častcy suprać» pajezdki ŭ Krym, kaža adzin z surazmoŭcaŭ, teatr ciśnie na artystaŭ, u tym liku namiakajučy na prablemy ŭ dalejšaj karjery. Tym nie mienš niamała ludziej napisali admovy, u pryvatnaści ŭ arkiestry.
«Mnohija štatnyja supracoŭniki admaŭlajucca jechać, kiraŭnictva źbiraje muzykaŭ pa inšych kalektyvach, — paćviardžaje druhi surazmoŭca. — Muzykam havorać na ŭzroŭni namieśnika dyrektara (im, jak pakazana na sajcie, pracuje Vadzim Martysievič), što kali chto nie pajedzie, voźmuć z boku kolki treba [muzykaŭ], i hastroli ŭsio roŭna adbuducca».
Adna z krynic taksama śćviardžaje, što artystaŭ prymušajuć padpisać dakumient, što teatr nie niasie adkaznaści za ich biaśpieku na hastrolach, ale inšyja nie zmahli paćvierdzić abo abvierhnuć hetyja źviestki.
Aficyjna staličny teatr pakul nie abviaščaŭ pra pajezdku ŭ anieksavany Rasijaj Krym. Infarmacyi na sajcie abo ŭ sacsietkach kalektyvu ab hetych hastrolach pakul niama.
Nahadajem, jak adznačaŭ u 2023-m u intervju dyryžor Ivan Kaściachin, paśla 2020 hoda z trupy baleta ŭ Opiernym teatry zvolniłasia abo było zvolniena kala traciny składu.
«U asnoŭnym heta ludzi vopytnyja — ciapier jany pracujuć u Amierycy, Italii, Francyi, Polščy, krainach Bałtyi. Zvolnienyja jość i siarod salistaŭ, i ŭ arkiestry. Siarod ich vielmi značnyja fihury, jakija vyznačajuć dla ŭzroŭniu śpiektaklaŭ i statusu teatra. Byli muzyki, jakija syšli śledam za zvolnienymi ŭ znak pratestu».
-
U 7‑j śpiecbryhadzie ŭnutranych vojskaŭ źmianili kamandzira i ideołaha — nieŭzabavie paśla pravierki bojehatoŭnaści
-
Łatuška: Pieramovy pa Ukrainie mohuć adkryć mahčymaści dla Biełarusi. Demsiły pavinny być za stałom
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
[Zredahavana]