Pra heta Alaksandr Łukašenka zajaviŭ na sustrečy z namieśnikam staršyni Pastajannaha kamiteta 14-ha Usiekitajskaha schodu narodnych pradstaŭnikoŭ Čžan Cynvejem, piša BiełTA.
«Vy dobra viedajecie, što našy z vami dypłamatyčnyja, palityčnyja adnosiny, dobraja družba pamiž našymi narodami padmacavanyja surjoznaj ekanamičnaj bazaj», — skazaŭ Łukašenka. Jon adznačyŭ, što na terytoryi Biełarusi z Kitajem pry sumiesnym finansavańni realizujecca šmat prajektaŭ.
«My hatovy i dalej u hetym napramku raźvivać naša supracoŭnictva», — zapeŭniŭ Alaksandr Łukašenka.
Pavodle jaho słoŭ, u sučasnym śviecie ŭ supracoŭnictvie vialikuju rolu adyhryvaje narodnaja dypłamatyja, asnovaj jakoj źjaŭlajecca supracoŭnictva pamiž deputatami parłamientaŭ.
«My vielmi ŭdziačnyja ŭładam KNR i kiraŭnictvu Usiekitajskaha schodu narodnych pradstaŭnikoŭ, kiraŭnikam parłamienta za tuju kałasalnuju padtrymku, jakuju vy nam akazvajecie na mižnarodnaj arenie. I vy cudoŭna viedajecie, što my zaŭsiody adkazvali i adkazvajem na vašu padtrymku adpaviednaj padtrymkaj pa ŭsich pytańniach Kitajskaj Narodnaj Respubliki ŭ mižnarodnych arhanizacyjach», — dadaŭ Alaksandr Łukašenka.
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ54
Kamientary
1.Biełaruskija kalijnyja ŭhnajeńni pa dempinhavych koštach uzamien na kitajskija pramysłovyja tavary. Dziela hetaha Kitaj ułasna i davaŭ źviazany kredyt Huceryjevu pad harantyi biełaruskaha ŭradu. Typovaja kałanijalnaja schiema - zołata abaryhienaŭ uzamien na šklanyja busy kałanizataraŭ. Chacia rezka admoŭnaje handlovaje salda pamiž Biełaruśsiu i Kitajem nia maje nijakich šansaŭ na palapšeńnie.
2.Adviortačanaja vytvorčaść, jak u vypadku ź BiełDžy. U vyniku BiełDžy kaštuje udvaja za anałahičnyja Geely ŭ Kitaje, niahledziačy navat na adrasnuju ilhotu 10% PDV dla BiełDžy, ale kitajcam ŭsio roŭna, za jakija hrošy pravadyr abaryhienaŭ prymušaje kuplać abaryhienaŭ vynik imitacyi "impartazamiaščeńnia" - aby kitajcy ŭ vyniku atrymlivali svaje hrošy.
3.Kantrabanda padsankcyjnych tavaraŭ kitajskaj vytvorčaści ŭ Rasieju-ahresarku, pakul heta jašče mahčyma.
4.Pieranos ekałahična škodnaj vytvorčaści ŭ Biełaruś jak u vypadku sa Śvietłahorskim CKK, jaki aktyŭna atručvaje tamtejšaje navakolle. Zatoje vyrablennaja tam celułoza, tannaja za košt ekanomii na pryrodaachoŭnych zachadach, sa śvistam ulataje ŭ Jeŭropu praz uzhodniennych na samym viarchu sumnieŭnych pasiarednikaŭ.
4.Źnižeńnie mihracyjnaha napružańnia na miežach Biełarusi z JEZ, pakul kitajcy aktyŭna budujuć abychodny maršrut praz Tadžykistan-Kazachstan-Uźbiekistan-Turkmienistan-Iran-Turcyju.
Nu i za ŭsio heta pravadyr abaryhienaŭ i jahonaja siamja atrymlivajuć rentu, jak ža biez hetaha. A elektaratu ŭ jakaści kostki - niejakasna pabudavany kitajcami pa niezrazumiełych schiemach finansavańnia stadyjon-"padarunak", budynak jakoha paciok pad čas daždžu naŭprost u dzień uračystaha adkryćcia.