Takija dazvoły na žycharstva zmohuć atrymać i členy siemjaŭ ajcišnikaŭ.
Parłamient Hruzii zaćvierdziŭ papraŭki ŭ zakon «Ab pravavym stanoviščy zamiežnikaŭ i asob biez hramadzianstva», piša «Pozirk»
Papraŭki praduhledžvajuć ukaranieńnie dazvołu na žycharstva dla asob, zaniatych u IT-śfiery, indyvidualnych pradprymalnikaŭ, jakija viaduć IT-dziejnaść, a taksama dla zamiežnikaŭ, jakija «ŭpaŭnavažanyja na kiravańnie i pradstaŭnictva mižnarodnaj kampanii, jakaja dziejničaje ŭ śfiery infarmacyjnych technałohij».
Zakon praduhledžvaje vydaču takich DNŽ taksama členam siemjaŭ nazvanych katehoryj zamiežnych hramadzian.
Saiskalnik dazvołu na žycharstva pavinien budzie pradstavić mihracyjnym orhanam Hruzii dakumient, jaki paćviardžaje najaŭnaść nie mienš za dva hady pracoŭnaha stažu ŭ IT-śfiery i dachodu nie mienš za 25 tysiač dalaraŭ u ekvivalencie.
Termin DNŽ dla IT-śpiecyjalistaŭ składzie try hady z mahčymaściu padaŭžeńnia sumarna da 12 hadoŭ.
Pry hetym dazvoł na žycharstva budzie anulavany ŭ vypadku, kali jaho ŭładalnik budzie adsutničać u Hruzii na praciahu 183 dzion u hodzie albo «bolš za 183 dzion na praciahu lubych bieśpierapynnych 12 kalandarnych miesiacaŭ», havorycca ŭ dakumiencie. Vyklučeńnie praduhledžana dla asob, vymušanych pakinuć krainu z metaj lačeńnia.
Papraŭki ŭstupiać u siłu z 1 vieraśnia 2025 hoda. Da hetaha času ŭrad Hruzii pavinien vyznačyć kankretny pieralik vidaŭ dziejnaści, jakija adnosiacca da IT-śfiery, zaćvierdzić paradak padačy dakumientaŭ na DNŽ i praviły kantrolu za znachodžańniem u krainie hetaj katehoryi zamiežnikaŭ.
Termin razhladu zajaŭ, padadzienych na DNŽ da 1 vieraśnia 2026 hoda, nie pavinien pieravyšać 90 dzion.
Ciapier pieršy dazvoł na žycharstva ŭ Hruzii vydajecca na termin ad šaści miesiacaŭ da adnaho hoda.
Hruzija stała adnoj z asnoŭnych krain, kudy emihravali biełarusy, jakija aścierahalisia represij na radzimie paśla pratestaŭ u 2020-m i paśla pačatku poŭnamaštabnaj vajny va Ukrainie ŭ 2022-m.
Pavodle źviestak MUS Hruzii, na 1 studzienia 2025 hoda ŭ krainie pražyvała 12 808 imihrantaŭ ź biełaruskim hramadzianstvam. Za apošnija čatyry hady ŭ Hruziju pryjechała 20 952 biełarusy (11 005 mužčyn, 9 947 žančyn), vyjechała — 8 144 (4 406, 3 738).
Ciapier čytajuć
Jak u halečy śpivałasia radnia Łukašenki? Małaviadomyja fakty18
Kamientary