U mai 2025 hoda ŭ Minsku praviali na 9,4% bolš ździełak z kvaterami, čym u krasaviku — usiaho 1210. Ale kali paraŭnoŭvać z majem minułaha hoda, kolkaść prodažaŭ skaraciłasia na 11,5%, pišuć «Minsk-Naviny».
Siaredniaja cana kvadratnaha mietra ŭ mai skłała 1744 dalary, što na 2,5% bolš, čym u krasaviku. Pavodle słoŭ staličnaj ryełtarki Kaciaryny Błahuš, rost cenaŭ moža być źviazany z pamianšeńniem kolkaści prapanavanych kvater.
U adnapakajovych kvaterach cana kvadrata vyrasła na 2,8% — da 1893 dołaraŭ. U dvuchpakajovych — rost skłaŭ 1,1%, i cana dasiahnuła 1643 dołaraŭ. U trochpakajovych kvaterach cana nie źmianiłasia — 1551 dołar za mietr užo druhi miesiac zapar. A voś u čatyrochpakajovych kvaterach zafiksavali rost na 7,5 % — da 1589 dołaraŭ.
47% usich ździełak prypała na adnapakajovyja kvatery — heta zastajecca typovaj situacyjaj dla Minska.
Najbolš darahaja ździełka miesiaca adbyłasia ŭ ŽK D3 na praśpiekcie Pieramožcaŭ: kvateru płoščaj 263,4 m² pradali za 903 711 dołaraŭ (3426$ za m²). Na druhim miescy — ŽK «DEPO» na vuł. Kisialova: 248,4 m² za 490 000 dołaraŭ (6104$ za m²). Zamykaje trojku znoŭ ŽK D3: 109,3 m² za 348 000 dalaraŭ (3184$ za m²).
Kamientary