Susiedzi zrabili kuchniu ŭ łodžyi, i ciapier u susiedziaŭ čuvać zvon posudu
Minčanka śćviardžaje, što paśla ramontu susiedzi abstalavali kuchniu na bałkonie, i ciapier kožny viečar čutny zvon posudu i razmovy, byccam heta adbyvajecca prosta ŭ jaje kvatery.
Što rabić u takoj situacyi? Pa tłumačeńni Minsk-Naviny źviarnulisia da ŭčastkovaha.
Anastasija, jakaja pražyvaje na vulicy Viery Charužaj, sutyknułasia z prablemaj, jakaja datyčycca šumnych susiedziaŭ:
«Našy susiedzi źvierchu amal paŭhoda šumna rabili ramont — my ciarpieli, razumieli, što chruščoŭka 1970-ch hadoŭ patrabuje kapitalnych źmien. Ale ciapier kožny ranak i pozna viečaram čutny zvon posudu i razmovy, byccam heta adbyvajecca ŭ nas doma. Synu hod, jon nie moža zasnuć. Žyć stała niemahčyma».
Jak vyśvietliłasia, susiedzi, mabyć, dałučyli bałkon da žyłoj zony i abstalavali tam kuchniu.
Pa słovach inśpiektara, šum — adna z samych častych skarhaŭ ad žycharoŭ stalicy. Adnak treba adroźnivać zvyčajnyja bytavyja huki dniom i dziejańni, jakija parušajuć cišyniu ŭ načny čas — z 23:00 da 07:00.
Mienavita na hety pieryjad raspaŭsiudžvajecca zabarona na:
hučnyja razmovy i kryki;
- vykarystańnie bytavoj techniki i aŭdyjosistem;
- ramont;
- rezkaje chłopańnie dźviaryma i hetak dalej.
Parušeńnie cišyni ciahnie za saboj štraf — ad 2 da 10 bazavych vieličyń (častka 1 artykuła 22.12 KaAP), a pry paŭtoranych — da 30 BV (častka 2 artykuła 22.12 KaAP). Bazavaja vieličynia ŭ Biełarusi składaje 42 rubli, a značyć štraf moža dasiahać 1260 rubloŭ.
A što nakont bałkona?
Kali susiedzi sapraŭdy pieraabstalavali bałkon u žyłoje pamiaškańnie, heta ličycca samavolnaj pierapłaniroŭkaj, asabliva kali na bałkonie źjaviłasia aciapleńnie abo padklučeńnie inžyniernych sistem. Pašyrać aciaplalnuju płošču kvatery za košt łodžyj zabaroniena.
Za heta praduhledžany štrafy da 20 BV (840 rubloŭ), a ŭ vypadku źmianieńnia niesučych kanstrukcyj abo vientylacyi — da 30 BV (1260 rubloŭ). Bolš za toje, pryjdziecca viarnuć kvateru da zychodnaha stanu. Pratakoł mohuć skłaści pradstaŭniki vykanaŭčaha kamiteta, ŽESa abo arhanizacyi, jakaja absłuhoŭvaje dom. Rašeńnie budzie prymać sud.
Što rabić?
Źviarnucca ŭ milicyju — inśpiektar praviadzie prafiłaktyčnuju razmovu.
Zafiksavać fakty pierapłaniroŭki — možna pryciahnuć ŽKH abo architekturny adździeł.
Padać skarhu ŭ vykanaŭčy kamitet abo sud (u vypadku ihnaravańnia papiaredžańniaŭ).
-
«Jeździać na luksovych aŭto, a 30 rubloŭ škada». Hałoŭred rajonki paskardziŭsia, što nichto nie choča padpisvacca na hazietu
-
Za pałovu červienia mihranty sprabavali pierasiačy miažu ź ES bolš, čym za ŭvieś pieršy kvartał
-
U Hrodnie źjavicca ekzatyčnaja para Ryčarda i Džulii. Jany buduć razam jeści myšej
Kamientary