Biełaruski biznesoviec Siarhiej Atroščanka pamior 19 červienia ad ciažkaha ankałahičnaha zachvorvańnia, piša Smartpress.by.
Bolš za ŭsio Atroščanka viadomy jak zasnavalnik brenda nižniaj bializny Serge i haziety «Obozrievatiel».
Jon naradziŭsia ŭ 1970 hodzie ŭ Minsku. Zarablać budučy biznesmien vučyŭsia jašče ŭ dziacinstvie. U adnym ź intervju jon raskazvaŭ, jak u 10 hadoŭ rezaŭ łazu i «zdavaŭ jaje na Mazyrskuju fabryku». «Prynios tysiaču takich dubčykaŭ — atrymaj 4 rubli 50 kapiejek», — kazaŭ jon.
U 21 hod (adrazu paśla razvału SSSR) zarehistravaŭsia jak indyvidualny pradprymalnik i pačaŭ biznes z vyrabu trusinych skurak, pašyvu i handlu na Staražoŭskim rynku ŭ Minsku futravymi šapkami i futrami.
U 1996 hodzie zapuściŭ vytvorčaść bializny. Kampanija Serge chutka raźvivałasia: pačaŭšy z 15 šviejnych mašynak i stolkich ža švačak, vyrasła da štatu ŭ 700 čałaviek. Źjavilisia kramy pa ŭsioj Biełarusi, zatym u SND i navat u asobnych krainach Jeŭropy.
Paralelna Atroščanka vykupiŭ hazietu «Svobodnyje novosti». Paźniej zasnavaŭ vydańnie «Obozrievatiel».
Kamientary