«Pabačyŭ šmat kryvi». Siabar 43-hadovaha Źmitra Kaśpiaroviča raskazaŭ, jak znajšoŭ jaho cieła
Źmicier Kaśpiarovič pamior u domie, dzie jon žyŭ pad Varšavaju, niekalki dzion tamu. Napiaredadni cieła mužčyny znajšoŭ jahony siabar Juryj Fabišeŭski, jaki raskazaŭ «Biełsatu», što pabačyŭ na miescy zdareńnia.
Fabišeŭski ŭdakładniŭ, što toj žyŭ nie ŭ Varšavie, jak ad pačatku paviedamlałasia, a ŭ pasieliščy niepadalok ad polskaj stalicy — u Novym Dvury Mazavieckim.
Fabišeŭski skazaŭ «Biełsatu», što apošni raz razmaŭlaŭ ź siabram u aŭtorak, 17 červienia:
«Damovilisia sustrecca ŭ sieradu ŭ Varšavie. Jon mieŭsia pryjechać, my mieli spravy. A 19:00 zvaniŭ da jaho, nie zdymaŭ słuchaŭki, na spatkańnie nie pryjechaŭ. Jon musiŭ pryjechać, tamu ja padumaŭ, što niešta zdaryłasia».
Na nastupny dzień mužčyna pajechaŭ dadomu da siabra:
«Jon nie adhukaŭsia, da jaho nielha było dazvanicca. U čaćvier ja pastanaviŭ pryjechać da jaho, dzie jon žyŭ, heta Novy Dvur Mazaviecki. Pryjechaŭ, tam było začyniena. Zapytaŭsia ŭ susiedziaŭ, adna z susiedak skazała, što jaho nie bačyła, nie viedaje, što zdaryłasia».
Fabišeŭski znajšoŭ klučy ad domu i ŭ piatnicu pryjechaŭ iznoŭ:
«Adčyniŭ dźviery, pabačyŭ šmat kryvi pry ŭvachodzie. Ślady bosych noh z kryvioju, jak jon padymaŭsia da siabie ŭ pakoj. Padniaŭsia na druhi pavierch, i jon lažaŭ na matracy, było šmat kryvi. Adčyniŭ vokny, patelefanavaŭ da palicyi. Pačakali palicyju, pryjechaŭ sudmiedekśpiert».
Papiaredniaja pryčyna śmierci — tupaja traŭma hałavy. Imavierna, Kaśpiarovič zvaliŭsia z prystupak, adnak usie akaličnaści budzie vyśviatlać śledstva. Na paniadziełak pryznačanaje anatamavańnie, prakuror vyznačyć, ci było ŭmiašańnie trecich asobaŭ, to bok niaščasny heta vypadak ci złačynstva.
Źmitru Kaśpiaroviču było 43 hady. Uletku 2022 hoda, kali vyjechaŭ ź Biełarusi ŭ Litvu, pryznaŭsia, što supracoŭničaŭ z KDB.
Jak skazaŭ «Biełsatu» jašče adzin siabar Kaśpiaroviča, Źmicier Pankaviec, śpiecsłužboŭcy da aktyvista nie čapilisia:
«Pra toje, što byli niejkija pahrozy byli, jon mnie nikoli nie kazaŭ. Šmat chto ciapier abmiarkoŭvaje hety momant, što jon u 2022 hodzie supracoŭničaŭ z KDB. U adnoj z apošnich razmovaŭ ja pytaŭsia: ci pišuć jany tabie zaraz, ci niešta chočuć? Jon mnie kazaŭ, što nie, nie pišuć».
Pankaviec nazvaŭ siabra «zaciatym biełarusam, jaki vieryŭ u Biełaruś, vieryŭ u biełaruskuju kulturu, movu»:
«Jon nikoli nie adstupaŭ ad hetaha ni na krok. Samaje hałoŭnaje dasiahnieńnie Źmitra, mnie zdajecca, što jon pryciahnuŭ šmat ludziej da biełaruskaści. U nulavyja hady jon ładziŭ ekskursii pa ŭsioj Biełarusi. Tam byli cudoŭnyja ekskursavody, viadomyja historyki. I šmat ludziej praz hetyja ekskursii viartalisia da biełaruskaj viery, tak by mović, i prychodzili da biełaruskaści».
Miesca i čas pachavańnia Kaśpiaroviča pakul nie viadomyja.
-
Jak Radzim Harecki pramianiaŭ karjeru ŭ Maskvie na Minsk i nie paškadavaŭ. Historyja žyćcia 96-hadovaha vice-prezidenta Akademii navuk
-
Paźniak: Vypuskajuć tolki prarasijskich ludziej, a nie biełaruskich patryjotaŭ
-
Lidar na Pireniejach. Źjaviŭsia «narodny» rejtynh ustanoŭ, praź jakija jašče možna atrymać šenhienskuju vizu
Kamientary
21.06.2025
Ja ukołaŭ nie bajusia, ja čaćviorty hod kalusia. "
Heta z kamientaŭ pad čornaju ramkaju. U vas na sajcie.
Niejak u adnym japonskim filmie pra terakt na chutkasnym ciahniku byŭ taki epizod: viadučy, jaki prapracavaŭ 20 hadoŭ na TV, zvolniŭsia sam, zrazumieŭšy, što jašče try hadziny paśla abiasškodžvańnia vybuchovaha prystasavańnia, kiraŭnictva kanała prymušała jaho vydavać u eter chvalujučy kantent dziela prybytku.
Vieru, što u vas meta inšaja - iścina. Tolki čym staniecie vy sami dla čałavieka, jakomu pamierły byŭ blizki?
Z taho, što ja pračytaŭ pra hetaha čałavieka, ja zrazumieŭ, što naha u jaho užo była mocna paškodžanaja, a žyŭ joj adzin. Pra astatniaje vam užo napisali pad čornaju ramkaju.