76‑hadovy słonimski piensijanier zatrymany za kradziažy z dač i mohiłak. Uziali jaho vypadkova
76‑hadovy žychar Słonima staŭ fihurantam kryminalnaj spravy paśla sieryi načnych nabiehaŭ na dačnyja damy i haradskija mohiłki. Jamu pahražaje da 4 hadoŭ kałonii.
Piensijanier vybiraŭ dačy, dzie nichto nie žyŭ, i z dapamohaj pasacižaŭ uskryvaŭ zamki. Adnak padčas adnaho z kradziažoŭ jon zabyŭsia na miescy złačynstva pakiet sa svajoj pryładaj.
Ekśpiertyza pakinutych pasacižaŭ dazvoliła milicyi vyznačyć asobu padazravanaha.
Padčas pieratrusu ŭ kvatery i aŭtamabili mužčyny znajšli nie tolki rečy z dač, ale i šeść dekaratyŭnych hranitnych vaz, a taksama štučnyja kvietki.
Jak patłumačyŭ piensijanier, jon pryjšoŭ na mohiłki pierad śviatami i biez asablivych vysiłkaŭ padniaŭ vazu ad adnoj z mahił, zatym praviaraŭ inšyja nadmahilli. Tak i naźbirałasia.
Svaju zdabyču jon płanavaŭ pradać, acaniŭšy kožnuju vazu ŭ 150—170 rubloŭ.
Za sieryjnyja kradziažy ŭ dačynieńni da pažyłoha mužčyny raspačata kryminalnaja sprava (kradziež, učynieny paŭtorna). Ciapier 76‑hadovamu piensijanieru pahražaje da 4 hadoŭ pazbaŭleńnia voli.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary