Biełaruskaja śpiavačka raskruciłasia va Ukrainie. A ciapier śpiavaje pra «luboŭ» Biełarusi i Rasii
Mienš za 10 hadoŭ tamu mahilaŭčanka Hanna Trubiackaja šturmavała papularnyja ŭkrainskija telešou i śpiavała pieśni na ŭkrainskaj movie. A ciapier prezientavała pieśniu «Biełaruś i Rasija».
Ryfmy prymityŭnyja:
«Družno živiom, jezdim v hosti, rodnimsia,
Kohda skučajem, druh druhu śnimsia.
Lubov́ — naša stichija.
My — Biełaruś i Rośsija».
Pra šalony pośpiech pieśni kazać nie davodzicca: u instahramie, dzie Hanna maje bolš za 27 tysiač łajalnych padpisčykaŭ, za 8 hadzin videa z prypievam nabrała 210 łajkaŭ i 18 kamientaroŭ, častku ź jakich pakinuli ž kalehi pa scenie.
U Threads reakcyja starońnich ludziej była jašče horšaj: 35 łajkaŭ i 150 kamientaroŭ, bolšaść ź jakich vielmi niehatyŭnyja. Naprykład, kamientar «Internet — nie pamyjka, navošta tut heta?» nabraŭ 270 łajkaŭ. U adkaz Hanna pasprabavała nachamić: «Kali internet nie pamyjka, dyk što tut robicie vy?» — ale ž i ŭ hetym vypadku masavaj padtrymki nie atrymała.
Astatnija kamientary karystalnikaŭ sacsietki pryblizna takija samyja. Bolš dobryja ludzi sprabujuć žartavać i pytajucca, ci nie prajhrała kamuści artystka žadańnie, raz pryjšłosia zapisać takuju pieśniu. Mienš karektnyja prosta kidajuć malunki, dzie kahości vanituje.
Sama Hanna Trubiackaja naradziłasia ŭ Mahilovie. U intervju raspaviadała, što siamja jaje była muzyčnaj — a baćka dyryžyravaŭ vajskovym arkiestram.
Z maraj trapić u televizar Hanna ŭ 2017 hodzie pajechała ŭ Kijeŭ — udzielničała ŭ 8 siezonie papularnaha šou «X-Faktar». I davoli paśpiachova — biełaruska trapiła ŭ kamandu Naści Kamienskich i dajšła da finału.
U 2020 hodzie Trubiackaja zaśviaciłasia na ŭkrainskim «Hołasie krainy» — jaje abrała ŭ svaju kamandu Cina Karal. I toj vystup sapraŭdy staŭ dla Hanny zornym: jaje konkursnuju pieśniu tolki za pieršyja 5 dzion prahladzieła bolš za miljon čałaviek. U finale prahramy jana pradstaviła na sud hledačoŭ ułasnuju viersiju pieśni «Biez boju» ŭkrainskaha hurta «Akijan Elzy», ale ŭ supierfinał nie prajšła.
Paśla takoha pośpiechu śpiavačka pačała źbirać łaŭry i na radzimie. U 2022 hodzie Hanna pradstaŭlała Biełaruś na «Słavianskim bazary» i atrymała tam hran-pry.
Chutka zrazumieła praviła hulni ŭ dyktatury: u 2024 hodzie dziaŭčyna pryśviaciła pieśniu Łukašenku, dzie byŭ navat namiok na padziei 2020. Zaraz jaje aktyŭna zadziejničajuć u prapahadysckich mierapryjemstvach Biełarusi i Rasii.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?7
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary