Šmatdzietnuju maci zapisali ŭ darmajedy i naličyli joj 700 rubloŭ
Rachunki niečakana pačali raści z kastryčnika 2025-ha.
Žančyna z tryma dziećmi žyvie ŭ arendnym žylli ŭ sielskaj miascovaści ŭ Homielskaj vobłaści. Jak jana raskazała «Mocnym navinam», zvyčajna za trochpakajovuju kvateru vychodziła kala 300 rubloŭ (razam z arendaj). Ale rachunki raptam pačali raści — z kastryčnika 2025-ha. Žančyna dumała, što heta zvyčajnaje padaražańnie, ale na ŭsialaki vypadak udakładniła ŭ raźlikovym centry, ci nie idzie joj «darmajedskaja» kamunałka. Tam zapeŭnili, što ŭsio dobra.
Ciarpieńnie łopnuła ŭ lutym, kali pryjšła žyroŭka na 700 rubloŭ. Dziaŭčyna pajechała raźbiracca ŭ rajvykankam. Adnak tam jaje čakała niečakanaja zajava — supracoŭniki zapeŭnivali, što jana nie ličycca «zaniataj u ekanomicy».
«Pierakanać ich, što šmatdzietnaja maci pa zmaŭčańni źjaŭlajecca zaniataj, akazałasia niemahčyma. Kazali, što takimi źjaŭlajucca tolki maci dziaciej-invalidaŭ abo tych, kamu niama 7 hadoŭ. U vyniku źniali kopiju paśviedčańnia ab naradžeńni małodšaha dziciaci i paabiacali pieraraźlik u nastupnym miesiacy. Ale tuju žyroŭku na 700 rubloŭ prymusili apłacić całkam: «Inakš budzie pienia», — raskazvaje šmatdzietnaja mama.
U sakaviku pieraraźlik sapraŭdy zrabili, ale radaść akazałasia niadoŭhaj. U krasaviku ŭ žyroŭcy znoŭ krasavalisia vielizarnyja ličby pa poŭnym taryfie.
Žančynie pryjšłosia brać dziaciej i znoŭ jechać u vykankam. Na hety raz na miescy była načalnica adździeła. Jana bieź lišnich pytańniaŭ uziała paśviedčańnie šmatdzietnaj siamji, i tolki tady prablemu ŭdałosia vyrašyć kančatkova.
Samaje cikavaje vyśvietliłasia, kali kiraŭnica pačała raźbiracca, čamu padnačalenyja nie vypravili ŭsio raniej. U bazie danych raptam vyjaviŭsia niejki «pracoŭny dahavor» na imia žančyny, jakoha «nikoli nie było».
«Ja pastajanna znachodžusia doma ź dziećmi, dvoje starejšych časta chvarejuć, u syna pryrodžany parok serca. Ja nidzie nie pracuju, my nie staim ni na jakich ulikach i nie atrymlivajem lišnich dapamoh», — dzivicca žančyna.
Ciapier užo jaje kamunałka prychodzić u normu.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary