«Tata, ja tabie pačytaju, i ty zaśnieš». Cichanoŭski padzialiŭsia dušeŭnaj historyjaj pra dačku
Siarhiej Cichanoŭski padzialiŭsia z «Lusterkam» kranalnaj historyjaj pra toje, jak dačka Ahnija dapamahła jamu vyrašyć surjoznuju prablemu.
Siarhiej Cichanoŭski raskazaŭ, jak upieršyniu paśla vyzvaleńnia jamu atrymałasia praspać usiu noč. Pavodle słoŭ byłoha palitviaźnia, u vyrašeńni surjoznaj prablemy sa snom jamu dapamahła dačka Ahnija.
— Pieršuju noč vyspaŭsia vydatna — dzieviać hadzin. Učora dačka daviedałasia, što ja papiarednija nočy nie spaŭ — adnu zusim, a druhuju tolki hadzinku. Jana skazała: «Tata, ja tabie ŭviečary pačytaju knižki, i ty zaśnieš pobač sa mnoj». Jana mnie pačytała knižku, abniała, i ja zasnuŭ. Raspluščvaju vočy — prajšło dzieviać hadzin, — raspavioŭ błohier na videa.
Raniej Cichanoŭski kazaŭ, što adrazu paśla vyzvaleńnia sutyknuŭsia z surjoznaj prablemaj sa snom.
— Siońnia ranicaj upieršyniu ja pračnuŭsia nie a piataj ranicy, nie a šostaj ad zvanka. A ŭ 8:52. Upieršyniu za piać ź lišnim hadoŭ. Praŭda, ja zasnuŭ pierad hetym litaralna za hadzinu. Usiu noč lažaŭ i nie moh zasnuć, — raspaviadaŭ były palitviazień na pres-kanfierencyi 22 červienia.
Kamientary
Łukašenka plešča ŭ ładki.