«Vynik 30-hadovaha kiravańnia». Biełaruska aburyłasia cenami na hrušy
Žycharka Homiela Natalla zajšła ŭ kramu «Jeŭraopt», kab kupić biełaruskija hrušy, ale nie znajšła nivodnaj. Usie byli zamiežnyja: ź Bielhii, Paŭdniovaj Afryki i Arhienciny, piša BG.Media.
Natalla źniała videa i vykłała ŭ tyktoku, dzie pakazała ceny: samyja darahija — bielhijskija (8,49 rubla za kiłahram), astatnija — krychu tańniejšyja (ad 7,49 da 7,69 rubla).
Karystalniki ŭ kamientaryjach razyšlisia ŭ mierkavańniach. Adnyja aburalisia vysokimi koštami i adsutnaściu biełaruskich hruš, kažučy, što heta vynik 30 hadoŭ ciapierašniaj ułady. Inšyja ž pastavilisia z razumieńniem: maŭlaŭ, červień — nie siezon dla ajčynnych pładoŭ, tamu hrušy z-za miažy — heta narmalna.
Niekatoryja biełarusy pišuć, što lepš pačakajuć svajho ŭradžaju, čym buduć kuplać darahuju zamiežnuju sadavinu. Inšyja žartujuć: maŭlaŭ, mianiajem traktary na afrykanskija hrušy.
U vyniku — pakul što biełarusam zastajecca čakać žniŭnia, kali na palicach źjaviacca svaje hrušy. I, moža być, pa bolš dastupnych koštach — choć heta nie harantavana.
Deputaty terminova adobryli štrafy za adsutnaść bulby ŭ kramach
Minhandlu ŭhledzieła na Kamaroŭcy ahurki i pamidory pa 40 rubloŭ i nieadkładna prareahavała
U śviecie isnuje tolki adna kraina, zdolnaja całkam zabiaśpiečvać siabie ježaj
«Praca ciažkaja, ale plon natchniaje». Sioletni kłubničny siezon praciahniecca daŭžej, čym zvyčajna
Kamientary