Były vice-premjer Anatol Kalinin da niadaŭniaha času byŭ pasłom Biełarusi ŭ Małdovie.
Anatol Kalinin pryznačany kiraŭnikom administracyi svabodnaj ekanamičnaj zony «Minsk».
Z 2010 da 2018 hoda Kalinin byŭ vice-premjeram, a z 2020 da 2025 hoda — pasłom u Małdovie.
U svoj čas čynoŭnik zajmaŭ vysokuju pasadu, ale prasłaviŭsia nie dziakujučy joj, a za košt absurdnaha vystupu pra «samyja sučasnyja trafiki».
U 2016-m Kalinina, jaki adkazvaŭ va ŭradzie za budoŭlu i ŽKH, adpravili vystupać na vystavu infarmacyjnych technałohij TIBO-2016.
«Bolšaść našych hramadzian karystalnikaŭ IT-technałohijami i internet-resursam z 9,5 miljona hramadzian majuć abanienckaje prykładańnie i karystańnie kala 13 miljonaŭ našych hramadzian. Heta śviedčyć ab tym, što stvorany resurs, jaki dazvalaje lubomu karystalniku vykarystoŭvać samyja sučasnyja trafiki dla ŭkaranieńnia intehracyi i raźvićcia svaich mahčymaściaŭ popytu intaresaŭ», — błytana sfarmulavaŭ Kalinin.
Anatol Kalinin naradziŭsia 21 červienia 1959 u Krasnapolli Mahiloŭskaj vobłaści. Skončyŭ Biełaruskuju sielskahaspadarčuju akademiju (1993) i Akademiju kiravańnia (2008).
Byŭ šafioram na aŭtabazie rajspažyŭsajuza Krasnapolla (1976—1977), słužyŭ u vojsku (1977—1979). U 1983—1988 pracavaŭ inžynieram-technołaham, hałoŭnym inžynieram rajahrapramtechniki Krasnapolla, u 1988—1990 — namieśnik dyrektara, a paśla dyrektar Krasnapolskaha rajonnaha abjadnańnia ŽKH.
U 1990—1995 — načalnik ŽESa ŭ Baranavičach, u 1995—2009 — dyrektara baranavickaha «Vodakanała».
U 2009—2010 — pamočnik prezidenta, hałoŭny inśpiektar pa Minsku, u 2010-2018 — vice-premjer.
U 2020-2025 — pasoł u Małdovie.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy15
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3939
Kamientary