Stała viadoma pra zaŭčasnuju śmierć 47‑hadovaj madeli Aleny Zapiekinaj (Čabahanavaj). U svoj čas jana zdymałasia ŭ klipie Alaksandra Saładuchi i supracoŭničała ź viadomym madeljeram Sašam Varłamavym, u tym liku dapamahała jamu z arhanizacyjaj fiestyvalu «Mielnica mody».
Pa infarmacyi siabroŭ, apošnim časam žančyna ciažka chvareła, i ŭrešcie chvaroba pieramahła.
Historyja prychodu Aleny ŭ madelny biznes cikavaja tym, što jaje rost byŭ 167 santymietraŭ. Pa mierkach prafiesii — nievialiki. U 1995 hodzie, budučy 16‑hadovaj dziaŭčynaj, jana pryjšła na pieršy kastynh konkursu «Supiermadel Biełarusi». Pa jaho vynikach adabrali 15 dziaŭčat, a Alena stała zapasnoj, 16-j. Ale jana vielmi padabałasia fatohrafam i dyzajnieram, tamu Saša Varłamaŭ zaprasiŭ jaje da siabie ŭ ahienctva na pracu.
Paźniej Alena nie tolki vychodziła na podyum naroŭni z vysokimi kalažankami, ale i stała viadučaj madellu ŭ samim ahienctvie. Jana ličyłasia adnoj z samych papularnych prafiesijanałak u svajoj śfiery ŭ kancy 90‑ch i pačatku nulavych.
Pry hetym inšyja, bolš vysokija madelki, admysłova padkreślivali svaju pieravahu nad Alenaj. Jana nie raz adčuvała siabie biełaj varonaj i izhojem.
Paralelna z pracaj u śfiery pryhažości Alena zdoleła skončyć jurydyčny fakultet. Paźniej jana sama dapamahała madelam-pačatkoŭcam, pracavała ŭ centry mody i stylu «Imiony».
Pa rašeńni svajakoŭ raźvitańnie z Alenaj budzie zakrytym — vyklučna dla siamji i samych blizkich.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary