Prakuror zapatrabavaŭ paŭtara hoda kałonii dla Maksima Urbanoviča
U sudzie Zavodskaha rajona Minska idzie razhlad kryminalnaj spravy suprać Maksima Urbanoviča, brata Dzianisa Urbanoviča, jaki vajuje va Ukrainie. Maksima abvinavačvajuć pavodle tak zvanaha narodnaha artykułu 342, častki 1 (arhanizacyja i rychtavańnie dziejańniaŭ, što hruba parušajuć hramadski paradak, abo aktyŭny ŭdzieł u ich), piša «Biełsat».
Pradstaŭnik prakuratury zapatrabavaŭ sud pakarać Maksima Urbanoviča źniavoleńniem z nakiravańniem u papraŭčuju kałoniju ahulnaha režymu, paviedamlajuć krynicy «Biełsata». Aproč taho, jon paprasiŭ sud pryznačyć Maksimu prymusovaje lačeńnie ad ałkahalizmu.
Maksim abaraniaje siabie samastojna. Jon nie staŭ źviartacca pa dapamohu advakata.
Jak paviedamlajuć našyja krynicy, abvinavačańnie ličyć Maksima aktyŭnym udzielnikam dźviuch demanstracyj, što adbylisia ŭ vieraśni 2020 hoda. Ale dokazaŭ — fota ci videa — u spravie nie fihuruje. Zatoje fihuruje suma strataŭ, jakija Maksim nibyta nanios haradskomu biudžetu praz toje, što peŭny čas nie pracavaŭ hramadski transpart. Ahułam heta bolš za 10 000 dołaraŭ.
Sudździa abviaściŭ pierapynak dla pryniaćcia vyraku.
2 krasavika 2025 hoda ŭ kvateru, jakuju arandavaŭ Maksim Urbanovič, uvarvalisia siłaviki. Paśla pieratrusu Maksima advieźli na dopyt u KDB. Spačatku jaho trymali ŭ SIZA KDB, a potym pieravieźli ŭ SIZA № 1, što ŭ Kaladzičach.
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary