Kudy biełarusy mohuć latać bieź vizy i bieź pierasadak?

Turcyja

Ź minskaha aeraporta štodnia vykonvajucca pramyja rejsy ŭ Stambuł. Ceny na kvitki pačynajucca ad 1108 rubloŭ, ale traplajucca i pa 870. Kvitki sa Stambuła ŭ Minsk kaštujuć ad 855 rubloŭ.

Pavialičyć

Sa Stambuła možna vylecieć u inšyja krainy, ź jakimi ŭ Biełarusi niama pramoha avijazłučeńnia paśla prymusovaj pasadki samalota z Ramanam Pratasievičam na borcie ŭviesnu 2021 hoda.

Hruzija

«Biełavija» maje ažno try rejsy ŭ Hruziju (Tbilisi, Batumi, Kutaisi). U Hruziju viza taksama nie patrebnaja, a znachodzicca tam pa biełaruskim pašparcie možna da 360 dzion.

Praściej za ŭsio dabracca ŭ Tbilisi. Najbližejšaja data vyletu, na jakuju jość kvitki, — 4 lipienia. Praŭda, cana niemałaja: 1611—1925 rubloŭ za pieralot u adzin bok. Pačynajučy z 11 lipienia, jość varyjanty za 1125 rubloŭ. Ceny na kvitki ŭ zvarotnym kirunku pačynajucca ad 1032 rubloŭ.

Kali lacieć u Kutaisi, to cana bileta pačynajecca ad 1120 rubloŭ u adzin bok. Kvitki jość na kaniec lipienia. Nazad možna viarnucca za 1148 rubloŭ.

Z Batumi składaniej. Kvitkoŭ niašmat. Najbližejšy vylet ź Minska — 25 lipienia za 1610 rubloŭ u adzin bok.

Armienija

U hetaj krainie biełarusy bieź vizy mohuć pravieści da 180 dzion. Ceny na kvitki ź Minska ŭ Jerevan pačynajucca ad 1055 rubloŭ. Praŭda, na bližejšyja daty — 5 i 10 lipienia — jany kaštujuć 2586 rubloŭ.

Kazachstan

Pramyja rejsy ź Minska jość tolki ŭ Astanu. Kvitki — ad 1142 rubloŭ. Najbližejšy vylet pa minimalnym košcie ŭžo 9 lipienia. Viarnucca nazad možna za 1070 rubloŭ. Biełarusy mohuć znachodzicca bieź vizy ŭ Kazachstanie da 90 dzion.

Uźbiekistan

Dva razy na tydzień dastupnyja pramyja rejsy ź Minska ŭ Taškient — i heta, badaj, samy tanny kirunak. Kvitok ź Biełarusi kaštuje ad 750 rubloŭ, a ŭ zvarotnym kirunku — ad 810 rubloŭ.

Pavialičyć

AAE

Dvojčy na tydzień latajuć pramyja rejsy ŭ Dubaj. Praź niemahčymaść latać nad Ukrainaj i terytoryjaj Jeŭrasajuza palot zajmaje amal 6 hadzin. Kvitki kaštujuć ad 1251 da 1600 rubloŭ.

Azierbajdžan

Znachodzicca ŭ Azierbajdžanie bieź vizy ź biełaruskim pašpartam možna da 90 dzion. Ź Minska samalot lacić u Baku.

Ceny na kvitki ŭ lipieni pačynajucca ad 1022 rubloŭ. Zvarotny kvitok — ad 851 rubla. Atrymlivajecca, što pry ŭdałym padbory kvitkoŭ źlatać ź Minska ŭ Baku i viarnucca možna mienš čym za 1900 rubloŭ. Čas palotu — 3 hadziny 50 chvilin.

Kitaj

U Kitai bieź vizy biełarusy mohuć znachodzicca da 30 dzion. Da papularnaha ŭ turystaŭ Piekina ci kurorta Chajnań treba lacieć ź pierasadkaj.

Maršrut va Urumčy, jaki pradaje «Biełavija», nie samy zručny. Ale tudy jość rejs ź Minska raz na tydzień. Kvitki kaštujuć ad 711 rubloŭ, kali brać ich za miesiac-paŭtara da vyletu. I ad 1540 da 2730 rubloŭ — na najbližejšyja daty. 

Jehipiet

Taksama ź Minska latajuć pramyja čartarnyja rejsy ŭ Jehipiet. Praŭda, viza tudy patrebnaja, ale jaje možna zrabić adrazu pa prylocie ŭ aeraport.

Bieź vizy, ale z vyletam sa Stambuła abo Maskvy

Kali vy ŭžo dabralisia da Stambuła, to adtul biełarusam dasiažnyja pieraloty ŭ šerah inšych biaźvizavych krain.

Naprykład, u Ałbaniju i Čarnahoryju, dzie ź biełaruskim pašpartam možna znachodzicca bieź vizy da 30 sutak.

U dalokuju Kuby latajuć rejsy Stambuł — Havana. Pramy pieralot zajmaje kala 13 hadzin. 

Kali vybirać uschodni kirunak, to z vyletam z Maskvy biełarusy mohuć dabiracca pramymi rejsami ŭ takija biaźvizavyja dla nas krainy, jak Vjetnam, a taksama va ŭmoŭna biaźvizavyja — Tajłand i Šry-Łanku (tam vizu možna atrymać pa prylocie).

• 3
• 0
• 2
• 3
• 4
• 3
• 1
• 0