Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom
Budučaja žonka Pratasieviča Nastaśsia Łabazanava raspaviała ŭ svaim instahramie, što eks-žonka i eks-dziaŭčyna Romy pryjšli ŭ toj ža bar, dzie jany adpačyvali z žanichom i pačali pahražać sudom. Jany nibyta aburalisia, što Raman kinuŭ ciažarnuju dziaŭčynu, uciokšy da Nastaśsi.
«Ale jana nie była ciažarnaja», — śćviardžaje niaviesta Pratasieviča.
«I vy tolki ŭdumajciesia — dźvie darosłyja žančyny abjadnoŭvajucca ŭ varty žalu sajuz, kab zładzić načnuju vartu i pryjści ŭ bar z pahrozami. Vy nastolki stracili siabie, što vaša hałoŭnaja meta — chacia b pastajać pobač z tym, chto vas niekali abraŭ. Takaja rospač navat niaśmiešnaja. Heta klinika».
Sam Raman pakul nijak nie kamientuje situacyju.
Nahadajem, dla Ramana Pratasieviča pachod u ZAHS z Nastaśsiaj Łabazanavaj budzie trecim pa liku. Da hetaha jon dvojčy žaniŭsia z Marharytaj Hryckievič. Taja skončyła Minski miedycynski ŭniviersitet i niekatory čas pracavała pravizarkaj-receptarkaj u minskaj aptecy. A jašče rabiła raskłady na kartach taro, jak i ciapierašniaja abrańnica.
Taksama ŭ Ramana byli adnosiny z eks-palitźniavolenaj Safijaj Sapieha — ich zatrymali razam, pasadziŭšy samalot Ryanair, jaki lacieŭ pa maršrucie «Afiny — Vilnia». Samalot pryziamliŭsia ŭ Minsku z-za paviedamleńnia pra «bombu» na borcie.
Paśla zatrymańnia Safiju asudzili da 6 hadoŭ kałonii pa abvinavačvańni ŭ prynaležnaści da telehram-kanała «Čornaja kniha Biełarusi», jaki publikavaŭ asabistyja danyja siłavikoŭ. Hod jana praviała ŭ kałonii, paśla čaho była pamiłavanaja.
Pratasieviču farmalna dali 8 hod kałonii, ale adpuścili adrazu.
Paśla toj historyi Sapieha kazała, što «Romy dla jaje bolš nie isnuje».
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary