Mužčyna kinuŭsia ź śmietnicaj na Paŭła Łatušku. Incydent adbyŭsia siońnia padčas kanfierencyi Warsaw East European Conference, jakaja pravodziłasia ŭ Varšavie ŭ ramkach śviatkavańnia 35-hodździa Studium Europy Wschodniej, piša Reform.news.
«Zdrajca! Chacieŭ spalić apazicyjanieraŭ!» — kryknuŭ jon i kinuŭ śmietnicu ŭ biełaruskaha palityka.
Napadnikam akazaŭsia Jaŭhien Kazancaŭ. Jamu 33 hady. Jon pryjechaŭ vučycca ŭ SEW pa prahramie maładych navukoŭcaŭ.
Svoj učynak žurnalistu Reform.news mužčyna patłumačyŭ tym, što ŭ jaho skončyłasia viza. Raskazaŭ, što «vyhareŭ» i nie zmoh abaranić navukovuju pracu. Pa jaho viersii, napad na Łatušku dazvolić jamu svabodna viarnucca ŭ Biełaruś.
U sietcy možna znajści zhadki pra Kazancava. Tak, u vieraśni 2022 hoda jon davaŭ intervju telekanału STB jak mahistr histaryčnych navuk, daśledčyk. 8 hadoŭ tamu STB rabiła pra jaho siužet jak pra čałavieka, jaki «prydumaŭ hierby dla ŭsich rajonaŭ Minska».
Kazancaŭ naradziŭsia ŭ Minsku 5 vieraśnia 1991 hoda. Vučyŭsia na histfaku BDU i ŭ Respublikanskim instytucie vyšejšaj škoły.
U niadzielu Kazancaŭ vyhuknuŭ «Hańba!» padčas vystupu Zianona Paźniaka na kanfierencyi ŭ Varšavie dy imkliva vybieh na dvor.
Učora Łukašenka, vystupajučy na ŭračystym schodzie z nahody 3 lipienia, zajaviŭ, što Pavieł Łatuška chacieŭ sabrać u paślavybarnuju noč u centry Minska štab Cichanoŭskaj i spalić jaho, kab stać lidaram apazicyi.
«Patałahičny chłus Łukašenka pieraŭzyšoŭ samoha siabie. U noč z 9 na 10 žniŭnia 2020 hoda ja byŭ hienieralnym dyrektaram Kupałaŭskaha teatra i svaimi vačyma bačyŭ zarava ad vybuchaŭ hranat nad centram Minska, kali pa jaho zahadzie pačali zabivać i ździekavacca ź biełarusaŭ», — napisaŭ u adkaz Pavieł Łatuška.
-
Padčas pošukaŭ chłopčyka ŭ Minskaj vobłaści źnik sabaka-vyratavalnik
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary